CURATOR Art & Café (已結業)

好評有咁多個，劣評得幾個，應該都幾好掛weekend冇set lunch，只有單點，但選擇都好小，連自家製濃湯，都只供外賣。咁先叫小食同主菜，嘢飲再諗。全份Menu唯一一款pizza除咗熱，味道根本冇特別酥炸雞鎚配水牛芝士醬都係得熱，味道根本冇得講，咬一啖肉就有一啖仔粉漿。好奇怪，芝士醬唔濃味。口感真係唔脆。終於到主菜大蝦意粉，可以話不知所謂，唔知點解咁多人推薦蝦係幾好味(以雪藏嚟講)，意粉冇咬口，質地偏淋(唔關煮得耐唔耐)，蕃茄醬係一般罐頭即食味道食到呢度根本唔想order佢啲飲品, 只係想走。價錢只係值租呢個地段嘅位置坐75分鐘(用餐時間)，要用佢呢個價錢食嘢，大把選擇好味過佢，何況唔覺得環境靚。隔離左右嘅食肆大把人排隊食，呢間偏偏冇人等，真心唔明點解有咁多好評，極中伏。服務態度唔在講，入座時個waitress 同送餐嗰位態度幾好，用餐時間唔夠一個鐘就走，到埋單嗰位(入座+送餐可能落場)可以係差天共地。