台北巷弄 (已結業)

餐廳環境企理乾淨，每個員工服務態度都好好，笑容滿面！而且上菜嘅速度十分快，餐廳上嘅擺設都十分精緻，叫左幾樣小食，鹽酥雞非常值得食，有台灣嘅味道。炸地瓜條外脆內軟，裏面嘅蕃薯都好甜，宜蘭三星蔥餡餅餡料豐富，宜蘭特產嘅三星蔥加肉碎幾夾，外皮香脆。跟餐加左仙草凍奶茶同香芋奶茶，仙草凍及芋泥都算多，跟餐叫幾抵飲，質素媲美手搖店！整體而言，得閒同屋企人或者朋友去食呢間台式嘢係將軍澳都算係唔錯嘅選擇價錢十分抵份量十足。