十二味烤魚九宮格 (已結業)

從未寫過食評，但係尼次真係忍唔住，不吐不快!下午兩點幾入到去，過左午飯時間，成間餐廳只有幾個客。老婆愛吃辣，點左辣魚，個仔唔食辣，加上好餓，所以點左個應該係快上既午飯套餐既湯飯，侍應話辣魚要等半個鐘，我話無問題。等待期間，個仔好餓，我催左個湯飯套餐三次，每次果位女侍應都話好快，答完我就去傾計，完全無跟過! 35分鐘過去，辣魚上了，套餐既湯飯居然未到，我催另一位後生的男侍應，佢真係有去跟進，不過個回覆令我無言以對，佢話，廚房隻鍋岩岩做完我條辣魚，依家先有鍋做湯飯!!!!咁大間餐廳，得一隻鍋?? 宴晝得幾個客都煮唔切?? 套餐既湯飯要開鍋煮?? 煮完辣魚既鍋用來煮唔辣既湯飯?? 我諗你睇到尼到都笑左出來拉!!我個仔太餓，我比左我碗白飯佢食，佢就咁乾啃食完碗香飯! 過左10分鐘，即係點餐後既45分鐘, 湯飯都未到，我個仔白飯食飽左，我叫個女侍應取消個湯飯，佢唔好意思話，一早到左既跟餐汽水就送比我地飲補償下，我話好，再叫多支啤酒，佢話ok, 走開左，不過走開左後一直傾計，完全無左果回事!!事已至此，我真係唔敢再催，忍住口渴食埋餐飯即刻走人! 我要點第二支啤酒，其實都係因為佢條魚好咸，係辣，不過