美食天堂 古香雞 (已搬遷) 新店位置

離遠望落去好開揚光猛嘅一間餐廳，正如個名係以雞為主嘅，配搭算多。肉卷肉質幾滑，都算香口，雞肉幾鮮嫩，但係味道就唔算好濃，未至於係好難忘或者特別嘅味道。米飯軟硬適中，可惜飯嘅分量實在太少，女仔嚟講都只係勉強夠。另外叫左個客家腌麵，配一個湯。似乎係我想多了以為會有乜客家風味，食落味淡，就係肉碎加蔥加幼麵咁，唔叫難食但無乜特別。反而個枸杞湯唔錯，幾清甜，仲有豬肉同豬膶，比個麵更出色，但同樣係份量太少。題外話，環境幾靚幾舒服，易乾淨企理過一般茶記。