曦 (已搬遷) 新店位置

之前經過炮台山宏安道，見到呢個日本餐廳一枝獨秀，一睇就知係食廚師發辦😍今日周年紀念就一齊嚟品嚐下！服務員好貼心，主動幫我哋處理隨身物品～坐低無耐，就有茶碗蒸😋蒸蛋好滑，當中仲有蝦肉、蜆肉，令味道多左份鮮甜味❤️食完茶碗蒸，師傅就為我哋準備啲當造壽司🤩鯛魚：肉質爽嫩，有少少實淨，淡淡嘅魚香慢慢係口腔滲出嚟👍🏻帆立貝：新鮮帆立貝果然特別鮮甜😋深海池魚：口感比較結實，但魚香味濃！赤貝：呢件赤貝真係珍寶size😍Q彈爽甜，好食到飛起！梭子魚：魚皮微微燒香，食到魚嘅鮮甜味之餘，仲多左份香口～～鯖魚：新鮮青魚非常有驚喜🤩完全冇魚腥味，肉質好嫩滑金鯛：金鯛肉質比鯛魚更細滑順口，好正😋拖羅：用左3片薄切拖羅，口感特別綿滑，肉質好細緻，完全無筋位，真係想食多件😛北海道海膽：食廚師發辦點少得海膽，簡直冇得輸😍三文魚籽：呢度嘅魚子好唔同，鮮甜味十足，唔會咸到爆師傅會按魚嘅鮮甜濃度安排先後次序，令我嘅味蕾更有衝擊😍最後仲會有味噌湯及甜品👍🏻