港畔餐廳 (已結業)

為了功課, 約了組員在此一路食一路傾, 不錯的選擇, 因為今天人不太多, 我們被安排的位置亦頗隔離 (因為組員是員工呢)!例牌行了一圈, 自己對自助餐不是太熱衷, 但可品嚐美食之餘環境亦舒服, 又為何不放開心情去享受一下(雖然心仍在擔心)! Lunch buffet...選擇當然不及晚餐多, 我嚐試了冷盤如刺身 (三文魚, 帶子)..新鮮切既...唔錯, 鴨肝醬, 日式茄子...樣樣細細碟, 但唔係話好好食, 麵包最特別係有墨魚汁麵包條, 幾香, 亦有即煮拉麵...無食, 天扶羅如南瓜, 紅椒都唔錯, 白汁鱈魚都幾肥美, 我既主菜其實係甜品, 花款好多, 雪糕, 雪芭, pancake(現整), waffle 都有, 生果就菠蘿最甜, 蛋糕如豆腐芝士, 咖啡芝士, 藍莓芝士都試過, 唔夠濃味, 唔夠軟滑, 朱古力慕司還可以, 有一款用匙裝起...叫咩杏仁咖啡蛋糕就最好食, 拎咗兩次, 整體既甜品不到水準!最後, 為了在限期前完成功課, 我負責包底.....換來的是一頓五星級酒店的自助午餐, 我是否為食了就咩都無所謂?