富臨飯店阿一鮑魚 (已搬遷) 新店位置

有日公司個客去富臨飯店食晚飯就揀左幾道名菜同幾道新式粵菜招呼這位外藉客人高湯龍蝦焗素麵原隻開邊上, 龍蝦鮮.素麵吸收左龍蝦味之餘又唔會林...d素麵同一般係街食既麵完全唔同, 好滑, 冇鹼水味, 好味道 阿一炒飯一上菜就聞到好香, 炒飯炒得好乾身, 不會好硬, 煙煙韌韌. 幾足料, 鮮蝦、乾瑤柱及叉燒。比平時食多好多乾搖柱，食得出係鮮蝦，唔係雪藏，食落去特別香口。半肥瘦既叉燒, 可見得選料一點都唔馬虎. 值得推介和牛芝士卷炸得脆卜卜既春卷入面有和牛粒同芝士,和牛剛好嫩滑唔老, 芝士又冇搶牛味. 裡面有彩椒粒.食落去好惹味.芝士同牛肉同春卷出奇地配搭得好好...超掂鮑汁扒時蔬生菜好青綠, 用煮鮑魚既汁去灼, 清淡得黎有淡淡的鮑魚味呢度侍應服務都好殷勤, 幾好傾, 換碟速度幾爽手。個外藉客人都好滿意我地 呢個選擇, 話下次黎香港想再黎喎呢度新年請屋企人黎食飯, 都係一個不錯之選