Amici (已結業)

今日同個同事去食飯，揀咗呢間好似都新開咗唔係好耐嘅餐廳Amici，聽個名就已經好意式風情店面其實好細，大約放咗10張枱左右，枱面中間係用雲石做，大熱天時，上到去一放隻手上枱就涼陣陣好舒服，而新餐廳如果用新傢俱，就係其中一個吸引點，張椅… 坐落去係feel到厚厚嘅坐墊(因為仲未比人扁，哈… )我地兩個女仔，唔想食咁多，志在搵個地方傾下計，的確地，呢度幾寧靜，適合二人聊聊天首先我地點咗個沙津，特別嘅地方係佢只有一盤沙津菜，而麵包糠，煙肉，咸魚鬆，芝士，沙津醬都係自己自由加上去mix嘅。女服務員開頭響我地點菜時話上菜時會同我地介紹番，但最後咩都無講就走咗去法國油封鴨腿，老實講對呢道菜有少少失望，因為價錢唔平，因就份量一般，而味道亦都相當一般蜆肉意炒，原本意粉味道係ok，但蜆有沙…店內只有一名男服務員和一名女服務員，女服務員的態度不太友善。一個沙津同兩道主菜用咗差唔多700大元，老實 ，如果以品質黎講，一D都唔化算，應該唔會再幫親。