影片
更多
2022-04-17
61 浏览
之前叫過佢地嘅外賣已經覺得幾好食 （通常外賣食物質素都會打左個折，但係佢地黎到嘅食物味道佢仍然好好）之後好想去佢地餐廳度堂食，但係之前果排疫情嚴重暫停營業左，早排見佢地社交平台話響15/4會恢復營業，同埋訂咗位堂食會有9折，即刻9秒9約埋屋企人去試試佢地嘅堂食先黎個頭盤沙律希臘山羊芝士 中東米配 雜菜沙律個沙律一黎到 個碗好靚，擺盤好靚，未食已經覺得好吸引，摸一摸個盤，個盤係凍㗎，即刻覺得好欣賞呢間餐廳，好著重食物嘅溫度 （太靚，掛住Po IG, 唔記得分開影張獨立相）德國咸豬手今次分開單點左個咸豬手，上次好想試佢地個德國咸豬手，不過食唔到，今次打去訂位果陣問左佢地會唔會有。德國咸豬手黎到，真係完全不失我嘅期望，個皮真係好脆好脆，擺埋一邊再食其他野，最尾食番淨低果兩舊，個皮仍然都係好脆，而且佢嘅豬手肉質好彈，唔需要點芥辣醬就咁食已經覺得原汁原味，係我食咁多次豬手 最好食最岩我口味嘅德國咸豬手跟住仲同屋企人share左以下幾款主菜意式米蘭炸豬扒呢個真係必點，雖然佢係炸，但係粉唔厚，炸得唔油，個豬扒豬味好濃，而且佢炸得唔鞋唔會乾，肉質彈牙又夠厚肉，配埋佢個蕃茄醬汁食完唔會覺得油膩，個蕃茄醬
先黎個頭盤沙律
希臘山羊芝士 中東米配 雜菜沙律
個沙律一黎到 個碗好靚，擺盤好靚，未食已經覺得好吸引，摸一摸個盤，個盤係凍㗎，即刻覺得好欣賞呢間餐廳，好著重食物嘅溫度
（太靚，掛住Po IG, 唔記得分開影張獨立相）
德國咸豬手
今次分開單點左個咸豬手，上次好想試佢地個德國咸豬手，不過食唔到，今次打去訂位果陣問左佢地會唔會有。德國咸豬手黎到，真係完全不失我嘅期望，個皮真係好脆好脆，擺埋一邊再食其他野，最尾食番淨低果兩舊，個皮仍然都係好脆，而且佢嘅豬手肉質好彈，唔需要點芥辣醬就咁食已經覺得原汁原味，係我食咁多次豬手 最好食最岩我口味嘅德國咸豬手
跟住仲同屋企人share左以下幾款主菜
意式米蘭炸豬扒
呢個真係必點，雖然佢係炸，但係粉唔厚，炸得唔油，個豬扒豬味好濃，而且佢炸得唔鞋唔會乾，肉質彈牙又夠厚肉，配埋佢個蕃茄醬汁食完唔會覺得油膩，個蕃茄醬食得出佢地自己調配左好多配料上面，唔係人地出面一般一pat 果啲蕃茄醬，食得出好有心機有誠意嘅菜式
地中海風味紙包澳洲盲曹魚
呢個無影到相，但係呢個都真係必點，好好食， 佢係用一張好厚嘅紙包住塊魚扒，塊魚真係好大好大塊而且又厚肉，魚上面配左類似米蘭豬扒上面嘅蕃茄醬汁同配菜，魚質好彈牙而且juicy嘅。男士想食唔洗怕，因為份糧真係都幾大，食完好滿足啖啖魚肉。
最後一個share嘅主食
龍蝦汁燴意式寛條麵配 蟹肉
原先menu佢係粉團唔係寛條麵，上次食過粉團，真係一試難忘，一試愛上，啲龍蝦醬汁包住個粉團，完全食得到龍蝦汁味，粉團唔會食到麵粉味，煮嘅時間岩岩好，粉團好煙靭，不過今次寛條麵都唔差，但係粉團仍然係我嘅最愛，下次我想食一定會打去問佢地有冇粉團。 另外蟹肉好夠，畀得好足，而且擺埋個蟹蓋上去，擺盤好靚，連埋其他配菜，色彩好豐富，好吸引眼球。
张贴
