CURATOR Art & Café (已結業)

同閨蜜喺K11 Musea行完街，經過見到呢間Cafe幾舒服又靚，所以就入去chill下！除左環境有格調外，食物質素都幾好！招牌墨西哥式煎蛋早餐($98)，好正！個牛油果醬整得好好，淡淡嘅酸味加煎蛋同包係勁夾。仲要有啲芝士碎係上面，邪惡得黎正！另外叫咗個大蝦意粉（$178），無咩特別但有勁多新鮮蕃茄係入面，甜甜酸酸咁幾開胃。最後仲叫咗個tiramisu ($68) ，好好味！一入口好軟滑，平時唔太鍾意個餅浸得太林，但呢個真係啱啱好。已經好想再食另外依杯green tea latte ($49)都正，抹茶味好重但又唔會好甜！呢間真係環境又正食物都好味，大滿足！