莆田 (利舞臺廣場)

营业中

休息中

同長輩食飯多數都係食中菜😀因為一定岩佢地既口味☺️依間中菜定期都會做唔同既優惠㊙️🦆芋香鴨芋頭愛好者之選❣️外皮脆口，內裏包裹著香綿軟腍嘅芋頭和鴨肉絲，脆中帶軟🥰🐣脆皮蒜香雞(半隻）表層鋪滿層層香蒜，雞皮清脆爽口，肉質滑嫩及雞味濃郁，好味得黎又唔會覺得油膩👍🏽🥯黃金荷葉包荷葉包同啲餡係好貼心地分開上，當食嘅時候可以袋個人喜好一次或分幾次加餡料。荷葉包外脆內軟，帶有少少甜味，配上沾滿醬汁嘅肉絲及洋蔥，口感非常豐富。🍳莆田地道燜豆腐驟眼看好似肉碎蒸蛋，但其內有乾坤。香滑豆腐加上冬菇、粉絲、瘦肉、瑤柱、雞蛋等等混合燜製而成，多樣嘅口感形成豐富嘅層次，非常下飯。🐟軟煎紅燒跳跳魚季節主打嘅跳跳魚有三種煮法可選： 紅燒、椒鹽及豆腐湯。紅燒係福建漁民嘅地道煮法，魚肉鮮嫩，醬汁非常入味。