第一郡 (已搬遷) 新店位置

第一次嚟呢度食越南嘢，係聽同事介紹話好好味。由地鐵站行嚟，喺對面馬路差唔多搵唔到呢間舖頭，因為個門口好鬼細，招牌又唔突出。但行到埋去發現六點幾已經好多人喺門口。入到去見到人哋嗰啲食物好鬼靚，所以嗌咗一個蟹膏番茄湯矇同埋越式法包，個蟹膏湯矇湯底好好味(個味好濃)，個法包又香又脆，最有趣就係佢個芒果沙冰，我覺得佢個芒果沙冰就好似奶昔一樣，又好似而家嗰啲喜茶咁樣，嗰牛油果沙冰都好正！下次去開深水埗都一定會再返嚟食。