幸福班戟 (K11 Musea) (已結業)

平日大約5點到，見到冇乜人排隊，就打算試下啦，排15分鐘已經入到去，因為差唔多到飯點，所以淨係想點個班戟試下好唔好食，但到落單時才被告知有最低消費，每人要點一樣單品，唔想食太多pancake，焗住叫多杯野飲，48蚊一杯野飲如果係正正常常都還可接受，竟然用個細紙杯裝，明明係堂食，但俾人感覺似外賣咁似間快餐店多過甜品店，又唔環保，原味班戟就味道ok，口感係幾鬆軟，雖然佢menu寫要等20分鐘即製，但由點單到上檯都好快唔洗10分鐘～食物的品質口味冇問題，但係，店員的服務態度俾人觀感好差，負責落單位戴眼鏡男店員態度有待改善，真心趕客，佢可能覺得間店多人食可以唔憂做你生意咁。如果要排咁耐隊去食依個pancake，又要睇人臉色，不值得！建議想食的朋友考慮外賣。