影片
更多
2006-10-09
5 浏览
Buffet可以做到好平，但唔代表抵食，抵食Buffet意思係價錢平之餘，食物種類多，而且新鮮、好味，咁之稱得上抵食。位於東涌既「Essence」，佢推出既$148自助晚餐，的確可以稱之為好抵食。不過要食就要好有耐性，我兩個幾月前book先至有，聽過宜家book已去到年底、甚至出年。當晚一坐低，就即刻出去狂掃生蠔，夠大隻之餘，亦都好鮮味，而且源源不絕。不過如果去到8點後至取，質素已經差左d，好多蠔殼……其餘食物，如三文魚刺身都好肥美新鮮，印度薄餅亦非常好味；其他熱食同意粉湯麵無試，因為怕太飽肚，想留力食甜品。朱古力噴泉除左傳統果隻，仲有白朱古力；芝士餅及其他甜品如布甸等都好好味；反而果個燕窩蛋撻仔就不外如是。順帶一提，生果都多汁好咬口，但多人搶而且補充又慢，較為失望。仲有一樣野好不滿，就係當初book位時，員工態度一般，好唔願意咁；跟住到就近日子果時，由於我唔記得book左幾點，打去check，竟然第一次唔理我，要打第二次追至問到！﹙不過其實食之前果日佢地會double confirm客人，所以唔駛專登打去問。﹚如果本身住東涌，就更加無得頂；因為我住馬鞍山，來回都近$50車錢，幾貴。仲
位於東涌既「Essence」，佢推出既$148自助晚餐，的確可以稱之為好抵食。
不過要食就要好有耐性，我兩個幾月前book先至有，聽過宜家book已去到年底、甚至出年。
當晚一坐低，就即刻出去狂掃生蠔，夠大隻之餘，亦都好鮮味，而且源源不絕。不過如果去到8點後至取，質素已經差左d，好多蠔殼……
其餘食物，如三文魚刺身都好肥美新鮮，印度薄餅亦非常好味；其他熱食同意粉湯麵無試，因為怕太飽肚，想留力食甜品。
朱古力噴泉除左傳統果隻，仲有白朱古力；芝士餅及其他甜品如布甸等都好好味；反而果個燕窩蛋撻仔就不外如是。
順帶一提，生果都多汁好咬口，但多人搶而且補充又慢，較為失望。
仲有一樣野好不滿，就係當初book位時，員工態度一般，好唔願意咁；跟住到就近日子果時，由於我唔記得book左幾點，打去check，竟然第一次唔理我，要打第二次追至問到！﹙不過其實食之前果日佢地會double confirm客人，所以唔駛專登打去問。﹚
如果本身住東涌，就更加無得頂；因為我住馬鞍山，來回都近$50車錢，幾貴。仲有，唔好諗住早d去行下果個outlet可以消磨成個下晝，可能我孤寒，覺得果度d野都係賣得貴或d款麻麻地，所以好早行完。結果等入場等左成個鐘，諗起有d戇居。
张贴
