路易奇電力公司

营业中

休息中

今次食八道牛，店員好有耐性介紹每一款牛肉，同埋都會幫手燒，服務滿分。醬汁分別有自家醬油配柚子、明太子、黑松露、辣粉。極生牛肉佐帕瑪森起司起司個邊好脆，入面仲有好多魚子同埋牛肉。美國牛舌厚切出面餐廳多數用巴西，呢間餐廳用美國牛舌，店員燒得啱啱好，塊牛舌出晒網紋勁厚勁好味，試咗佢個蔥油同埋辣粉，配埋勁夾。日本A5和牛牛小排牛小排肉味好濃，配埋昆布，低溫處理過嘅油封蒜一齊食，成件事充滿層次，味道好豐富。日本A5和牛刺身第一塊食就咩都唔落，咬落去口感好特別。第二塊就加埋刺身豉油同埋芥末一齊食，個味道即刻熟悉好多。日本A5和牛月見金磚金磚燒得勁香勁重肉味，一定要配埋白飯一齊食，另外加埋醬油蛋撈埋一齊食超級滿足。日本A5和牛海膽卷海膽味道勁濃郁，配埋塊輕輕燒過嘅和牛一齊食，超級好食。日本A5和牛夏多布里昂牛柳最中間嘅位置，店員燒得啱啱好，肉味勁濃同埋唔會好油膩。醬漬封門柳係今晚唯一有醬汁嘅肉，口感好嫩滑。真理丼所有配料混合埋一齊食，每一啖口感都好豐富。