台北巷弄 (已結業)

某天黎到將軍澳突然見到一間門面好靚淺藍色既餐廳，原來係食台灣菜既，呢間餐廳主打台灣外賣，所以我就叫左下午茶做外賣，叫左一個滷肉飯餐加左杯三寶奶茶，滷肉飯仲配有半隻雞蛋，滷肉唔會太咸，配飯食岩岩好。鹽酥雞真係好多好抵食嫁，無甘脆口肉質比較淋身，三寶奶茶係呢度既特式飲品，三寶分別係自制仙草，珍珠同紅豆，珍珠好煙韌，仙草好香滑，奶茶味道濃郁。甜品揀左仙草2號，職員話係自家制既仙草同平時食既唔同比較滑身，加入牛奶之後好好味，入面仲有芋圓同紅豆綠豆好有咬口。