御千丼 (已結業)

開咗半年，今晚就走去試一試🤔。舖頭細小，但裝修幾有色彩，坐得都幾舒服。Menu好多選擇，亦有些廚師推介及優惠食物，order前記住要計算一下。由於唔太肚餓，就只叫了幾款壽司，味道一般，個人不喜歡太大舊飯，個人覺得飯略為多左，另不夠黏韌。但欣賞佢d料，如甜蝦，夠大隻新鮮，所以有點後悔唔叫刺身。有朋友推介我試下海膽（記住以優惠價食平好多架) ，價錢來說， 性價比都幾高 ，鮮甜美味， 略嫌欠缺海水味， 韓國海膽同日本會有些分別。較為推介係醬焗廣島蠔，夠大隻飽滿，入口多汁，沒有蠔腥味。試咗一款少有的雞皮餃子，個人並不喜歡，好油膩，唔鍾意嗰塊雞皮包住餃子嗰種感覺，皮比較厚身，口感怪怪的， 個人喜歡煎雞翼嘅雞皮，但佢又唔係煎。整體ok，可支持下小店，可以試刺身飯，都值的。