影片
更多
2021-04-25
1502 浏览
LAT EAT Restaurant & Bar 今日要喺尖沙咀開會，提早預約好呢間餐廳，收工揸車去到金巴利道，喺正學校門口，雖然冇正式位，不過食個飯泊一泊，應該冇問題，餐廳裏面一樣睇到車，所以都放心。 餐廳入面裝修時尚而且有氣氛，同家人或者伴侶去食飯一樣非常適合。餐廳空間相當充足，有足夠私隱度，而且地方衛生乾淨，的確係加分。加上服務員預早安排好位置，再悉心為你講解較早前預訂的餐單，非常貼心。 餐廳先安排餐包，麵包微熱，口感外脆内軟，麵包皮不會太厚身，脆但唔係硬，而麵包入面鬆軟綿密，原味已經非常好，再沾上橄欖油同黑醋，味道更加升華。 然後就是法國即開生蠔，生蠔聞起來有海水味，沒有任何腥味，生蠔可以選擇加檸檬汁或者茄汁，不過我喜歡食佢個原味。呢個生蠔肉厚多汁，入口有海水味，肉質柔滑，亦嚐到蠔既甜味，非常享受。 再黎就是海膽多士，新鮮既海膽放在一片薄荷葉上，再配上脆卜卜的多士，鮮甜味道同麵包微咸既味道，軟硬質感既冲擊，的確令食物既層次更上一層樓。 餐廳為我們配上白酒，白酒果味濃郁，容易入口，應該很受女士歡迎，配上生蠔及海膽味道亦十分匹配。 終於去到期待已久既主菜上枱，就係澳洲M5和牛肉眼扒
今日要喺尖沙咀開會，提早預約好呢間餐廳，收工揸車去到金巴利道，喺正學校門口，雖然冇正式位，不過食個飯泊一泊，應該冇問題，餐廳裏面一樣睇到車，所以都放心。
餐廳入面裝修時尚而且有氣氛，同家人或者伴侶去食飯一樣非常適合。餐廳空間相當充足，有足夠私隱度，而且地方衛生乾淨，的確係加分。加上服務員預早安排好位置，再悉心為你講解較早前預訂的餐單，非常貼心。
餐廳先安排餐包，麵包微熱，口感外脆内軟，麵包皮不會太厚身，脆但唔係硬，而麵包入面鬆軟綿密，原味已經非常好，再沾上橄欖油同黑醋，味道更加升華。
然後就是法國即開生蠔，生蠔聞起來有海水味，沒有任何腥味，生蠔可以選擇加檸檬汁或者茄汁，不過我喜歡食佢個原味。呢個生蠔肉厚多汁，入口有海水味，肉質柔滑，亦嚐到蠔既甜味，非常享受。
再黎就是海膽多士，新鮮既海膽放在一片薄荷葉上，再配上脆卜卜的多士，鮮甜味道同麵包微咸既味道，軟硬質感既冲擊，的確令食物既層次更上一層樓。
餐廳為我們配上白酒，白酒果味濃郁，容易入口，應該很受女士歡迎，配上生蠔及海膽味道亦十分匹配。
終於去到期待已久既主菜上枱，就係澳洲M5和牛肉眼扒，呢件靚扒五成熟，肉味非常濃郁，加上雪花般的油花，幼嫩中帶有少許咬口。肉與油花的組合配合得宜，而且係用燒烤方式烹調，更顯風味，上碟後撒上少許的鹽或者芥末醬就能完全帶出更濃郁的牛肉味。
另一個主菜係卡邦尼意粉，要提一提呢個熱盤上菜時除了意粉本身熱辣辣之外，個碟本身亦有預熱，係非常有温度既一道菜式。意粉口感煙韌，再配上濃濃既芝士，creamy 既醬汁同香脆煙肉配合得淋漓盡致，非常出色，加上預熱既餐碟，令佢既溫度可以保持，唔會因為冷卻而影響口感。
最後當然要有甜品先可以為完美既晚上劃上句號。甜品上菜時已經非常吸睛，色彩繽紛令人食欲大增，檸檬雪糕灑上黃色檸檬糖，旁邊放左D粉紅色既士多啤梨乾，非常好看，入口檸檬味清新香甜，能夠抵消所有飽滯既感覺，雪糕冰涼香滑，非常適合而家呢D天氣。另外雪糕亦配上一個蘋果糕，糕面放上蛋白餅，糕點口感煙韌，入面有D蘋果粒疑，酸酸甜甜十分開胃，而蛋白餅本身爽脆，同埋蘋果糕一樣放入口，有軟滑煙韌既糕點，又有脆脆既餅仔，口感層次去到另一種享受，非常推薦去試一試。
餐廳一流既服務，浪漫既氣氛，高級既裝潢，最重要既係高質素食物，構成一個完美既晚餐，我十分享受呢一次既飲食體驗，希望大家有機會都可以體驗一下。
张贴
