影片
更多
2021-06-21
49 浏览
今日係觀塘放工，朋友介紹我去觀塘一間叫做古今二嘅餐廳，佢嘅菜式係日本fusion菜，聽落好吸引，仲要好近地鐵站，所以放工就一於去試啦！咁首先我哋叫咗個沙律，佢個沙律超級足料，有勁多牛油果、甜蝦，所有沙律都好新鮮，啲菜好甜，佢嘅醬係胡麻醬加啲醋，撈起嚟超開胃，勁好味！我男朋友唔係好鍾意食菜都話呢個沙律好好味，食咗好多。之後我哋仲叫咗個豚肉蘆筍同埋雞腎串燒，豚肉上面嘅調味好好，啲椒鹽好惹味，同蘆筍食落都好夾，口感好爽。雞腎方面，唔會有過分重嘅內臟味，幾香，口感硬硬地地爽爽地～👍重點黎啦！係三款超正既卷！綠野仙蹤：初頭面嗰啲我以為係芒果，食落似係水蜜桃，同下面嘅壽司好夾，唔係好清楚佢入邊用咩長，但係食落啲調味係超級好味，甜甜酸酸，完全中晒我胃口！金龍卷，表面睇落係三文魚嘅卷，但係食落超級有驚喜！佢頂頂嗰個醬同埋佢下面用嗰啲醬調起來有好香嘅味，都係講唔出咩味，有少少似鵝肝牛油，總之就非常特別，超鍾意！食唔停。東京爆脆：又一驚喜之作，佢嘅口感係真係好似佢個名一樣，非常之脆，鍾意食香口脆口嘢嘅人一定要叫！佢入邊仲包左啲吞拿魚，好多好足料。我哋今次叫嘅份量好多，但係我哋兩個都食晒！因為真係勁好味，一
咁首先我哋叫咗個沙律，佢個沙律超級足料，有勁多牛油果、甜蝦，所有沙律都好新鮮，啲菜好甜，佢嘅醬係胡麻醬加啲醋，撈起嚟超開胃，勁好味！我男朋友唔係好鍾意食菜都話呢個沙律好好味，食咗好多。
之後我哋仲叫咗個豚肉蘆筍同埋雞腎串燒，豚肉上面嘅調味好好，啲椒鹽好惹味，同蘆筍食落都好夾，口感好爽。
雞腎方面，唔會有過分重嘅內臟味，幾香，口感硬硬地地爽爽地～👍
重點黎啦！係三款超正既卷！
綠野仙蹤：初頭面嗰啲我以為係芒果，食落似係水蜜桃，同下面嘅壽司好夾，唔係好清楚佢入邊用咩長，但係食落啲調味係超級好味，甜甜酸酸，完全中晒我胃口！
金龍卷，表面睇落係三文魚嘅卷，但係食落超級有驚喜！佢頂頂嗰個醬同埋佢下面用嗰啲醬調起來有好香嘅味，都係講唔出咩味，有少少似鵝肝牛油，總之就非常特別，超鍾意！食唔停。
東京爆脆：又一驚喜之作，佢嘅口感係真係好似佢個名一樣，非常之脆，鍾意食香口脆口嘢嘅人一定要叫！佢入邊仲包左啲吞拿魚，好多好足料。
我哋今次叫嘅份量好多，但係我哋兩個都食晒！因為真係勁好味，一定會再幫襯。
张贴
