漁正居酒屋 (已結業)

柚子汁牛脷沙律好鍾意呢個沙律，牛脷厚薄適中，配上柚子汁酸酸甜甜咁，好開胃。汁燒鳳爪 & 鳥二寸店員話係鋪頭新出品，鳳爪一串有四粒，鳥二寸係雞脚對上個位，上面放左湯粒，慢慢溶化入串燒度，好惹味，兩個串燒都好香脆。雖然唔係啖啖肉，但用嚟送酒幾好。店長刺身拼盤（特上）刺身份量唔多，但兩個人食岩岩好，有海膽、帶子、吞拿魚同牡丹蝦等等，刺身夠新鮮，仲比埋紫菜我地包刺身食。燒豬頸肉 & 大蔥雞柳燒得幾香口惹味，大蔥亦係我最愛！黑醬油拉麵中規中矩，拉麵都幾彈牙。待應好細心甘幫我地分做兩碗share，服務唔錯！