影片
更多
2018-01-10
173 浏览
牛太辛苦工作了一整天，夜晚想吃得好一點，便到朋友推介的這間放題燒肉暢飲一番。本來對牛_系列嘅燒肉或火鍋放題店，冇咩期望。因為坊間實在開到成行成市，質素亦很參差 ，也有不少失望的經驗，不過今次去完呢間牛太之後，令我另眼相看。一入餐廳，時尚嘅裝修，真係有別於一般嘅燒肉店，有少少美式工業風格，座位都闊落舒適，唔會好易聽到隔離枱講咩，仲有而家好common既tablet落單，方便快捷。我哋食嘅係$288嘅套餐，已經有72種食物可以選擇，單是牛已有十幾種可以選擇，實在花多眼亂，試過咁多隻之中最好食都係特選牛霜降個迷你扒，肉質較嫩，亦唔會痴牙，以為已經係最好食，點知食埋牛胸腹肉，嘩！係amazing! 要encore ！而想食牛味濃d既可以叫牛脊肉。不過唔好以為係放題，肉既份量會好少，其實你點幾多件，佢真係上幾多件，仲要大大件唔孤寒架。溫馨提示:同行朋友覺得鹽味既肉較咸，如有需要要求餐廳走汁。另外，呢度cater到中意食內臟既朋友既需要，有牛腸可以叫，牛腸既牛油香同爽滑，真係令你一食再食，完全唔理會已爆標既膽固醇同脂肪。食完牛想食返d清清地既野，點左個野菜盛合，懶d既可以點沙律直接食。呢度既沙律絕
辛苦工作了一整天，夜晚想吃得好一點，便到朋友推介的這間放題燒肉暢飲一番。
本來對牛_系列嘅燒肉或火鍋放題店，冇咩期望。因為坊間實在開到成行成市，質素亦很參差 ，也有不少失望的經驗，不過今次去完呢間牛太之後，令我另眼相看。
一入餐廳，時尚嘅裝修，真係有別於一般嘅燒肉店，有少少美式工業風格，座位都闊落舒適，唔會好易聽到隔離枱講咩，仲有而家好common既tablet落單，方便快捷。
我哋食嘅係$288嘅套餐，已經有72種食物可以選擇，單是牛已有十幾種可以選擇，實在花多眼亂，試過咁多隻之中最好食都係特選牛霜降個迷你扒，肉質較嫩，亦唔會痴牙，以為已經係最好食，點知食埋牛胸腹肉，嘩！係amazing! 要encore ！而想食牛味濃d既可以叫牛脊肉。
不過唔好以為係放題，肉既份量會好少，其實你點幾多件，佢真係上幾多件，仲要大大件唔孤寒架。
溫馨提示:同行朋友覺得鹽味既肉較咸，如有需要要求餐廳走汁。
另外，呢度cater到中意食內臟既朋友既需要，有牛腸可以叫，牛腸既牛油香同爽滑，真係令你一食再食，完全唔理會已爆標既膽固醇同脂肪。
食完牛想食返d清清地既野，點左個野菜盛合，懶d既可以點沙律直接食。呢度既沙律絕對唔係hea你，有凱撒沙律，海藻沙律同埋而家大熱嘅羽衣甘藍，食多幾個都夠回本。
小女子去到呢度已經飽了，不過同行既男友人仲未夠，叫左大大個明太子石鍋飯，一黎到真係好香，我飽左都忍唔到食左兩啖， 明太子有少少辛口，好味！
總括黎講，呢間牛太可以再黎，食物質素ok，食足100分鐘。食完行出去唔會成件褸都係燒肉味，搭巴士唔會臭親隔離，通風值得一讚！
驚喜未完，原來個餐仲包一杯movenpick雪糕，實在呢次燒肉之旅劃上完美嘅句號！
张贴
