影片
更多
2023-07-18
439 浏览
見聽日打風, 都唔會出街, 所以今日同心心媽媽出嚟行下街街。唔知係咪個個預咗打風, 想食果幾間餐廳都full booking之後book咗呢間, 因為得佢重book到。Book 1900我哋1830咁上下就入咗閘。門口waiter 介紹我哋食二人餐, 我見有my飛佛薯團, 就二話不說決定佢。重加點咗個黑松露薯條個薯條口感偏硬, 同唔知係咪燈光問題,唔熱好硬又好油, 同侍應反映佢話正常, 話係因為啲黑松露油問題, 佢話唔緊要, 整過碟畀我哋, 薯條同黑松露油分開上。之後第二碟好咗少少, 但都係好硬。餐湯就無咩特別, 正常味。第一道前菜, 一口猪腩, 都好食嘅, 小小油, 個甜甜地嘅醬汁可以幫手解油膩 之後係今日嘅重頭戲, 油浸鴨髀同薯團, 薯團一啖入口, 又係唔熱, 重有少少酸味, 鴨髀就正常味道係略嫌太鞋。薯團酸個問題即時再反映比待應。佢話煮果時加咗檸檬, 好, 信你, 唔換啦我。我重食晒, 唔食剩嘢係對農夫同對廚師嘅基本尊重。墨汁意粉無影但都叫正常, 但起碼夠熱出煙。甜品係個雪糕唔係好夠凍其他OK🥲
之後book咗呢間, 因為得佢重book到。
Book 1900我哋1830咁上下就入咗閘。門口waiter 介紹我哋食二人餐, 我見有my飛佛薯團, 就二話不說決定佢。重加點咗個黑松露薯條
黑松露薯條
$70
3 浏览
0 赞好
0 留言
餐湯就無咩特別, 正常味。
一口猪腩
0 浏览
0 赞好
0 留言
油浸鴨髀 薯團
13 浏览
0 赞好
0 留言
墨汁意粉無影但都叫正常, 但起碼夠熱出煙。
法式可麗餅
8 浏览
0 赞好
0 留言
题外话/补充资料：
後記, 可能我食開薩莉亞尼啲屋村野, 呢間唔係好啱我口味, 而且尼間又the one 又尖沙咀夜景搞到我少少腸胃敏, 第二日同心心媽媽一齊肚仔痛, 一定唔係因為個薯團。而我可以做嘅就只有响馬桶上面message 心心媽媽, 如果我有咩事, 提款卡密碼係你生日🥲
(以上食记乃用户个人意见 , 并不代表OpenRice之观点。)
张贴
