Odelice! (The ONE)

今晚嚟咗The ONE嘅Odelice食晚餐，一入去就感受到輕鬆嘅法式氛圍，環境雅緻，燈光柔和，好適合同朋友聚餐或者約會。我哋點咗Dinner set，碗荳濃湯濃郁滑溜；法式點心拼盤款式丰富，三文魚醬配法式多士，個醬食到三文魚肉，口感唔錯。炸黑松露球同蛋餅都好味，令人驚喜。主菜方面，我哋點咗原隻烤龍蝦，肉質鮮甜，啖啖肉好滿足！仲有阿根廷安格斯肉眼牛扒，店員態度友善，細心問我哋幾成熟。我哋要求唔見血水，交由佢為我哋安排，感覺好貼心。牛扒嚟到後很滿意，外面有燒烤香味，內裡肉質嫩滑。甜品方面，我哋揀咗巴黎式芝士蛋糕，水蜜桃味道好特別，中間流心質地，食落去滑溜又唔會太甜，真係好好味。服務、食物質素同味道都有高水準，難怪攞到開飯熱點法國菜銀獎榮譽！值得一去再去嘅餐廳。