影片
更多
2022-04-29
116 浏览
拉麵gp見到有人講呢間，素聞背脂拉麵良久，於是一試。長話短說，叫咗海老辛醬雙倍背脂，湯底少辣，表面會有一層辣椒碎，但可能其香度不足，或者口味問題，我認為同煮干湯底唔夾。另外如果想體驗油脂衝擊力嘅朋友，雙倍背脂並唔明顯，可放膽叫三倍或四倍。擺碗可以露多啲麵出來，等人更方便下手。用麵麵質不錯，如果更彈牙更好。驚喜部份，叉燒做得尤奇出色，呢樣實在係意料之外。並無咩特別製法，單純地嫩度、肥瘦、咬口、味道、份量都非常出色。食過咁多間拉麵店，其中不乏主打各類叉燒，整體來講可謂各有特色，亦偶有驚喜，然而無論優點幾突出，無一例外一定都會有柴、乾、膻、太肥或無味其中一樣或幾樣缺點。呢間嘅叉燒神奇嘅地方係竟然完全無呢啲問題，更甚者要求再嚴格啲，啲叉燒仲唔會好易散。我唔敢評斷話邊啲部分去到咩高度，相信高處未算高，但確係出色。我認為佢係用咗靚料，並且製作要求高。我喜歡有呢類特質嘅餐廳，開拓類型，有一兩樣莫名其妙地出色嘅位，謂之：有趣。通常呢類餐廳，會越嚟越有。其他細節：PS: 不銹鋼杯仔，水夠冰，熟水無異味PS2: 醬油、醋、胡椒粉、芝麻、七味粉、辣油，配料齊，枱枱有PS3: 有紙巾
長話短說，叫咗海老辛醬雙倍背脂，湯底少辣，表面會有一層辣椒碎，但可能其香度不足，或者口味問題，我認為同煮干湯底唔夾。另外如果想體驗油脂衝擊力嘅朋友，雙倍背脂並唔明顯，可放膽叫三倍或四倍。擺碗可以露多啲麵出來，等人更方便下手。用麵麵質不錯，如果更彈牙更好。
驚喜部份，叉燒做得尤奇出色，呢樣實在係意料之外。並無咩特別製法，單純地嫩度、肥瘦、咬口、味道、份量都非常出色。
食過咁多間拉麵店，其中不乏主打各類叉燒，整體來講可謂各有特色，亦偶有驚喜，然而無論優點幾突出，無一例外一定都會有柴、乾、膻、太肥或無味其中一樣或幾樣缺點。呢間嘅叉燒神奇嘅地方係竟然完全無呢啲問題，更甚者要求再嚴格啲，啲叉燒仲唔會好易散。我唔敢評斷話邊啲部分去到咩高度，相信高處未算高，但確係出色。我認為佢係用咗靚料，並且製作要求高。
我喜歡有呢類特質嘅餐廳，開拓類型，有一兩樣莫名其妙地出色嘅位，謂之：有趣。通常呢類餐廳，會越嚟越有。
其他細節：
PS: 不銹鋼杯仔，水夠冰，熟水無異味
PS2: 醬油、醋、胡椒粉、芝麻、七味粉、辣油，配料齊，枱枱有
PS3: 有紙巾
海老辛醬背脂煮干拉麵$98/雙倍背脂+$5
$103
15 浏览
0 赞好
0 留言
张贴
