船皇 (謝斐道) (已結業)

泰式美食真係百吃不厭，除左酸酸辣辣既冬蔭公之外，船麵一定係我既不二之選。最近係港島銅鑼灣區又有一處食船麵既新選擇，而且食店座位多咁就可以免卻大熱天時久候之苦，對作為泰國美食迷既我係一大佳音。食野睇價錢，招牌野4號仔既大碗船皇湯面，基本上就係一炮過有齊晒豬牛雞既題材，最正就係唔駛傷腦筋計住數黎拼，以旺區計價錢公道。如果凈係想食豬牛雞其中一款就可以從1-3號選擇。除此之外，原來仲有撈麵系列，不過個人口味都係鍾情有湯果種，可以飲幾啖湯頭精華先夠過癮。至於麵底既配搭可以翻到菜單背頁看圖介紹，分別有金邊粉、米粉、蛋麵及河粉4選1。辣度可按個人接受程度選擇走辣又或是小到大辣，有少少辣味感覺始終開胃一點!配小辣蛋麵底既船皇湯面很快送上，面層都係熟悉既配菜面孔，包括泰國獨有既香口脆炸豬皮，細細粒咬落爽彈既豬肉丸!大大隻多肉兼鹵得入味既雞翼，鮮嫩甘甜既豬潤都係一流，還有牛肉片、雞絲、牛腩、豬肉及牛肉丸，冒起既陣陣濃湯味真係令人垂涎。湯頭色澤帶深楬色，急不及待先黎一啖熱湯放入口中，牛味感覺頗濃厚兼帶點微辣之風!再黎一口麵條，掛湯能力足而且沾有店家自製炒香既辣椒碎及香油，勁惹味!。廚房對湯分量的控制不俗，