千上日本料理 (已結業)

近來秋季臨近,想食得清清地決定跟老友去尖沙咀哩間新開日本料理開飯,地方十分大。卡位十分寬敞,相信可以容納到八人座。點了個螢光魷魚做前菜,咩醬汁都唔洗點。好鮮.咸.香! 真鯛刺身, (赤鱲魚)日本料理中算比較貴價的魚, 因肉質口感做刺生一流,配搭清新口味日本酸汁,唔會搶走魚的鮮味。 有經驗的女侍應,服務態度幾好,細心為我們講解食物。提醒先食赤鮭再食立魚食淡口到油份高的(好似係咁排)好細心。千切海鮮豆腐湯, 湯底好甜,刀功好厲!將豆腐切成菊花。串燒好講燒的時間同師傅落鹽功夫,哩間師傅一定合格。總結如果只睇裝修同餐牌設計,以為佢唔多正宗, 食落先知食物水準很好,有時睇嘢真係要比的時間。