千上日本料理 (已結業)

想搵間有 D 空間感得嚟乾淨企理嘅日本餐廳食個晚餐，因為而家衛生對於餐廳真係好緊要，你知架啦，健康行先但好難唔出去搵好野食😂，所以個人同環境衛生就要注意多一點！見呢度幾寬敞，D野食做得幾精緻，味道都算唔錯！我地兩個人點咗個二人餐，價錢相當合理性價比高😋 先嚟一個大大碗蟹子沙律開一開胃，師傅落手一D都唔慳，大大份咁上菜！日本野又點少得刺身同卷物.. 講多次真係好足料，味道同鮮味度正常發揮啦🤣而呢個天婦羅盛大滿足！炸得幾鬆化都唔錯...特別係肥美嘅海老😉佢呢個set 非常照顧到鐘意食肉嘅朋友仔，有4款唔同嘅串燒同埋紐西蘭羊鞍！好多汁，滴滴滴...如果你鐘意食厚切牛舌呢款一定啱哂你....日本甜薯都正😍都仲係唔夠飽？佢仲有兩碗大大嘅稻庭烏東，其實都真係會食到幾full...而且仲算幾彈牙！一個完整嘅餐廳又點會無甜品，有埋日本雪糕比你甜下個口，正！

有次放工相約她公司附近酒店內的日式餐廳, 千上日本料理一齊晚飯相聚 。 這店裝修走日本風格,以木系為主, 營造溫暖的感覺,地方好舒服好寬闊。**我地選擇2人餐 $588 ***先來蟹籽沙律 鮮艷奪目的蟹籽沙律,  野菜絲好有脆口感配上酸甜的沙律醬, 並有蟹籽,吃過後胃口大開。**刺身三品 三款刺身分別有池魚､油甘魚及三文魚。池魚肉質感很嫩,口感豐富魚油潤感;油甘魚口感厚實滑嫩,帶細緻甘甜;  三文魚油脂分佈平均,入口魚油厚重 。**特色魚卷 吞拿魚蓉小卷入口有綿滑細緻的吞拿魚,味道不錯。**天盛 天婦羅有海老虎蝦、南瓜、茄子等, 外皮金黃色好簿炸漿, 非常脆口可口,外脆內軟的口感恰到好處,香而不油膩。**紐西蘭羊鞍 羊鞍肉質有咬口而不韌,當然配合秘醬,是唔錯口感及味道享受!**串燒 (4款) 全燒物燒得不錯, 不會燒得太焦及乾, 燒得剛剛好,非常惹味。** 湯稻庭 這稻庭烏冬麵條身較幼,扁平狀,口感滑溜, 配料有糖心蛋､魚蛋､京絲､紫菜等, 味道不錯。

有一約咗朋友嚟呢度食晚飯，客人唔算太多所以坐得幾舒服，服務態度好好，環境都唔錯，坐低左之後店員會為你奉上茶水，同埋餐牌，睇完餐牌之後，我哋就決定咗叫個二人餐，但因為我唔食羊嘅關係，所以店員好好咁幫我轉咗做牛柳粒，而刺身就由三品升級咗做五品，然後我哋就叫咗一人一支雪花啤酒啤啤佢，首先嚟到嘅係頭盤，蝦肉玉子同埋刺身蟹子沙律，蝦肉玉子好香蝦味，幾好味，至於刺身蟹子沙律好開胃，佢裏面有蟹子，三文魚刺身粒，同埋吞拿魚刺身粒，口感不錯，好fresh，然後有個佐酒小食，就係牛蒡漬物，朋友超級喜歡食，因為酸酸地咁更加開胃，之後就係輪到刺身五品，當中有吞拿魚，三文魚，油甘魚，劍魚，同埋帶子刺身，另外旁邊就有煙三文魚壽司，一件油甘魚壽司，刺身都好新鮮，好有咬咁，唔會好薄，然後就係炸物天婦羅，有炸蝦，番薯，茄子，天婦羅唔算太厚粉漿，入口脆脆，但內裏仲係熱辣辣的，最值得推介嘅就係蒜片牛柳粒，你都好香蒜味，牛柳粒份量適中，牛肉好有咬口，味道幾好，居酒屋當然少不免有串燒食啦，我哋就叫咗一口甜薯，每粒都好甜，好好味，牛舌同雞腎燒得好香口，爽爽的，計完骨就吹波波，但略嫌硬身左少少，去到最尾就係稻庭烏冬，湯底好好味😋整

晚餐 , 落腳在 尖沙咀-粵海酒店 千上日本料理 ~餐廳的裝修佈置 , 寬敞舒適 ~筆者超愛這幅畫 ~Menu ~我們點了一個二人餐 $588 , 這套餐的食物包括 : 日式沙律、刺身三品 & 壽司一件、天盛、紐西蘭羊鞍、串燒(四款)、湯稻庭、飲品(汽水或啤酒) ~飲品 , 筆者點了一支日本啤酒 , 太座點了一罐無糖可樂 ~日式沙律 : 食材是蔬菜 , 雜錦刺身粒 , 三文魚籽 ; 主要是用醋來調味 , 味道清新 ~ 刺身三品 & 壽司一件 : 刺身是三文魚、吞拿魚、牡丹蝦 , 刺身鮮口肥美 ; 壽司是吞拿魚蓉壽司 , 壽司飯握得不錯 , 吞拿魚蓉琢得夠綿滑 ~天盛 : 天婦羅是 蝦、矮瓜、南瓜、番薯 , 外皮炸得脆 , 油份不重 , 亦吃得出食材的原味 ~紐西蘭羊鞍 : 羊鞍醃得夠重味 , 肉質 tender, 羊肉吃得出有羊味 ~串燒(四款) : 蕃薯仔、青椒仔、牛舌、雞腎 , 串燒到燒得通透 , 筆者比較愛吃青椒仔 , 有夠風味 ~ 稻庭烏冬 : 湯底頗有味道 , 烏冬滑嫩煙韌 ~本篇完 ~

火炙三文魚伴帶子定食$88因為唔食蟹籽 所以店員好貼心咁幫手蟹籽另上👍🏻服務好 野食又好味 三文魚燒到到好有魚油香 但唔會太梅 而醋飯調味適宜 好味環境又舒服🥰🥰 仲有好多款想試會再黎！

又到左搵嘢食既時間, 本來想走入呢間酒店睇下有冇Buffet, 點知得間日本菜! 午市定食價錢都算親民, 決定一試! 酒店內可搭電梯, 外圍亦有樓梯到達! 炸雞烏冬 $68 ~ 個賣相都幾好, 炸雞另上呢一點好讚! 烏冬彈牙, 炸雞香脆, 炸粉唔厚, 有肉汁! 不錯啊! 和風牛肉伴溫泉蛋飯 $72 ~ 牛肉份量較少, 醬汁唔會太咸, 幾惹味! 滑蛋豬扒飯 $68 ~ 豬扒炸粉唔厚, 香脆唔鞋, 蛋有點過熟! 註: 每個餐都有蒸蛋, 滑既不過比較水! 沙律汁太咸, 整體性價比算高, 可以再去! 

係尖沙咀呢個地段，搵好嘢食都要花啲功夫同時間，但好唔過有個會發掘好嘢食嘅朋友。呢間係酒店一樓嘅日式餐廳，我都真心嚇親。佢內龐有啲有卡位，亦有一排小房間，亦有大房可以坐到十幾人，想隱密啲都可以。以為假日一定貴，以為無lunch set，呢度絕對係超值。熟食嘅有一堆，魚生嘅亦有得揀，有點似加x賀，但係我個人覺得好味啲。朋友點嘅係豬扒湯烏冬，豬扒炸得唔錯，剛炸起係幾正。我第一次黎，當然係點介紹黎呢間嘅朋友必點嘅餐，炸雞。我個人覺得炸雞皮厚左小小，唔乾，幾好。另外有燉蛋，好滑，勁鍾意。其他正常，講真65元唔要求太多。

這間酒店內的日本菜非常高質，每道菜手勢十分平均，要每道菜都是這麼好吃真的是師傅的手勢好啊！千上魚生沙律，由雜錦魚生配上沙律菜及沙律汁，酸酸甜甜剛剛好，味道開胃。嘗試了兩款啤酒，分別是Asahi及雪花，Asahi氣較多，雪花則味道較甜易入口，少喝酒的人可選擇雪花。配上炸河蝦簡直是送酒一流！燒牛肋骨十分厚切，帶點日式風味，沾上日式燒汁，很惹味。其後是醬油炒飯和炒野菜，調味十分平均，整體水平很高。餐廳有十分多不同牌子的清酒，如獺祭，十四代等。小食十分適合送酒，愛酒之人不要錯過！服務員十分熱情友善，談笑風生。餐廳環境很大還有房間增加私密度，可惜聽聞最近要裝修了，裝修完後一定會再去！

今日大陸朋友嚟到粵海酒店住兩晚，貪方便就直接喺酒店下便呢間日本居酒屋食飯。由於大陸嘅天婦羅比較普通所以我哋特登叫咗俾朋友食，呢個天婦羅都唔錯炸粉唔會太厚，食落去脆卜卜，都相當之新鮮係即叫即炸。另外都叫咗幾款串燒試吓，燒紫薯啦，紫薯細細地一粒一粒都幾搞笑，朋友冇食過。 燒雞軟骨，食落去脆卜卜，調味調得幾好。另外佢哋嘅燒牛舌都唔錯，通常厚啲嘅牛舌就會比較難煮得好食，不過今次嘅牛舌都夠嫩，唔會燒得太過老。另外都叫咗個燒羊架，不過建議叫五成熟好啦。另外都叫咗個烏冬填肚。

今天跳完舞，約了朋友一起過來吃日料。正好粵海酒店旁邊有一間。就決定過去試一試。酒店1樓就是了。前菜柚子沙律🥗我一邊等朋友一邊吃。味道不錯。還有海鮮刺身，跟吞拿魚壽司🍣食材都很新鮮，味道也不錯。最喜歡的是串燒。紫薯很甜，牛舌很脆。另外兩串是雞軟骨，雞🐔腎。羊排也還不錯。香港的日本料理店，每間都有不同的特色。如果你正好在附近工作或者逛街，可以過來坐坐。店員都很熱情❤️會在樓下給你指引。我朋友把這一盤天婦羅🍤全吃光了。看來這是她的菜。週末見朋友，也是不錯的選擇。我今天特意選擇在下午人不多的時間過來。可以跟很久沒見的朋友聊聊天，吃吃美食。最後甜品是我最愛的雪米糍，有童年時候的味道，真是出乎意料。吃完之後，又被我朋友拉去甜品店，繼續下一間。

今天下班跟朋友吃頓飯，本來是打算去酒吧餐廳的，但因為朋友今天揸車，所以還是挑個日式料理吃個簡單的飯算了，反正就是談談大家最近的生活事兒。 我們最後找了家叫千上日本料理的餐館，位置還算好找，可能今天是平日，所以没有預約也能安排入座。 我們點了兩碗稻庭烏冬、一份炸蝦天婦羅、一份南瓜天婦羅、一串牛舌、一串雞軟骨、一串雞腎、一串甜蕃薯，最後再來份羊架。食物没有等多久就上枱。 稻庭烏冬，入口麵質爽口，没有煮太久而過軟，烏冬是真烏冬，湯味道清甜，與烏冬配著一起吃剛剛好。 炸蝦天婦羅、南瓜天婦羅，新鮮炸的就是不一樣，外脆內軟，咬下去肉汁都噴發出來，是真心覺得炸得不錯，誠意推介。 羊架，入口濃濃的羊肉酥香，烹調時間剛好，肉質鮮嫩，没有太硬或太軟，不過羊的味確實過於濃郁，大推給喜歡羊肉的朋友。 至於牛舌、雞軟骨、雞腎、甜蕃薯，這些串燒就略於普通，味道還可以，可一戰，但不用抱太大期望。

尖沙咀依間係酒店樓下既日本菜，裝潢走簡約風，同時都幾乾淨。一黎到餐廳，著住和服既侍應用心招待，排好晒餐具，態度親切前菜係螺肉，大大粒，今日主打叫左剌身類，食一餐唔邪惡既日本菜😆先黎厚切三文魚剌身，油脂肥美，食落有魚香之後再黎甜蝦，幾大隻，肉質嫩滑再黎北寄貝加帶子，依到既刺身價錢相宜，質素都可以。好耐無食枝豆，食住枝豆飲啤酒真係好有日本居酒屋感覺😆😆枝豆落左鹽煮👍🏻上湯煮南瓜，依個出奇地幾好食😂😂😂以為平平無奇，但南瓜煮得好淋，好入味，清淡之選🥰卷物就叫左加洲卷，依個係最簡單既日本壽司，但係包得幾好，飯好扎實，口感唔錯！醬油炒飯😆好有家的感覺，炒飯炒得夠乾身，食落唔滯又幾香！最後係炸物雞軟骨～份量都好多下、即叫即炸，入口香脆！總結依到係行平民路線又幾抵食既日本菜🙈

尋日同同事一齊出去附近食lunch，諗諗下不如去試下食千上千上位置係酒店入邊，上左1樓入左舖頭，舖頭裝修好日本風，人唔算多，環境清靜、舒服，每張枱間隔都好闊、好寬敞，坐得幾舒服，但價錢卻相當抵，最平嘅魚生定食幾十蚊就有最后我揀左個火炙帶子拌香蔥吞拿魚腩定食都只係$108呢個午餐定食除左海鮮丼外，仲包左沙律，味噌湯，茶碗蒸（蒸蛋） ，甜品海鮮丼，帶子好大粒，火炙過后帶有少少燒焦嘅香氣，配香蔥吞拿魚腩蓉，吞拿魚同帶子都好新鮮茶碗蒸好軟、好滑，好足料，食完都已經開始有飽肚感沙律同味噌湯相比起就比較普通，但不錯啊

幫完一個上午，終於到午飯時間，尖沙咀吃午餐有時候是有難度，好的餐廳不是價錢貴便是人多。走到寶勒巷，這裡最多的是酒吧和餐廳，到近粵海酒店附近，有個穿和服女侍應向我派傳單，看一看日本菜價錢又不貴，便上去試一試。坐下來，餐廳人客太多，座位多不會有擠逼感，侍應先送上熱茶，同時我決定點鹽燒晴魚定食，整個套餐有麵豉湯，日式沙律菜，主食和茶碗蒸。先飲湯，我覺得湯最重要是要夠熱，這間餐廳做得到，麵豉湯味道唔錯，沙律菜份量剛剛好是一碟小前菜，主食晴魚燒得均勻魚肉有肉汁入味，外皮燒得香脆加點鮮檸檬汁，送飯一流。整個套餐好豐富，在尖沙咀是一間性價比高的餐廳。最後，埋單前還有一粒雪糕糯米糍送。

比起食物質素，我更重視餐廳員工的態度、餐廳環境和用餐的整體感覺。「千上」絕對係一間無論食物質素、環境、甚至係員工禮貌上都比到我滿意和舒服感覺的日式食堂。 「千上」是粵海酒店的日本食店，地方大、環境舒適，星期日晚來到，唔係好多客人，好適合兩個女生/一班朋友（有房，最低消費$2000）傾計的好聚腳點。食物種類多，我們點了2人套餐($588)，有刺身沙律、刺身三品、特色卷物、天盛、紐西蘭羊鞍、串燒(4款)、湯稻庭、飲品及甜品，款色好多，食物質素都唔錯。 刺身新鮮，朋友尤其喜歡刺身沙律中的三文魚、三文魚油脂豐富，其他厚切刺身好新鮮、啖啖肉。😋炸天婦羅🍤面粉夠薄、蝦好彈牙，我最喜歡蕃薯和南瓜天婦羅，唔會太冧，好有口感。 羊架燒得好香口，厚肉個部分唔係好juice，但完全唔柴，好有肉味，有脂肪的位置充滿油脂、又有少少焦脆，整體來說，好好食👍🏻串燒有四款，分別係鴨腎、牛舌、雞軟骨和小甜薯。四款串燒水準都好高，厚燒牛舌好嫩滑，有口感；雞軟骨連住少少肉，比起只有軟骨，我更喜歡軟骨連肉，不同口感。呢四款串燒我地都好鐘意食，送啤酒食一流😋鳥冬是稻庭烏冬，質素一定唔差，還有好多粟米粒、柴菜及魚板，細細碗但飽足