影片
更多
2006-04-01
5 浏览
我係一個唔係好鐘意創新既人.所以覺得沾仔記裝修之後比以前冇左個種風味咁.仲記得5年前坐落去落order之後有人俾張寫左價錢既紙,食完就拎住佢俾錢.當年同女朋友食,25蚊已經食飽2個.我唔否認裝修左之後感覺上係靚左同典雅左,不過對我黎講呢間唔再係我識既沾仔記喇.講返食物先,近一年佢已經加左2次價,不過都係屬於便宜既,都只係12蚊一碗,18蚊雙拼.雲吞我覺得都係鮮味,可能我曾經睇過佢地包既關係啦,所以我覺得佢地係有心整.就係呢樣野已經吸引我.魚球都唔錯啦,幾鮮味.其實最得既都係個湯底,好清都少甜.以前就落左大地魚同埋羅漢果,唔知今日佢仲有冇落呢兩樣正野呢?不過今時今日,只係20蚊就食得飽既,咁仲想點?所以呢個係近六七年,呢度一直都旺場既原因.
张贴