火土燒肉

天公不做美，本來約好晒朋友去露營，點知有雷暴警告，為咗安全起見，我哋約出街食餐飯算數。機緣巧合，竟然搵到呢一間餐廳「露營風餐廳」，入面嘅裝修同去露營一樣，設備分分鐘仲齊全過我哋呢班玩咗兩年camp嘅朋友😂我哋一行四人，叫左一個燒肉拼盤($378)及一個豬雞特選拼盤🥩($348)，確保大家有肉食兼食得飽。好滿意餐廳一早醃好晒所有肉類，樣樣都好惹味，其中豚里脊肉好脆身、豚五花肉夠厚身，總括嚟講都好好食！燒肉期間油煙好少，餐廳門口都好通風，離開餐廳之後，身上面都唔大味！個人特別鐘意個清酒煮蜆肉，蜆肉夠大又厚肉，清酒經過燒過之後，非常清甜，我哋直頭當湯飲添😂另外亦都有一個明太子蟹棒($58)，蟹柳本身好易燶，所以燒嘅時候注意要反轉蟹柳呀！仲有個月見醬燒飯團($38)，飯團邊嘅飯焦非常脆卜卜，外脆內軟，每個朋友都好鍾意食！嚟之前見到網上嘅圖片寫住雪山冰好快售罄，所以訂座嗰時，我哋已經叫咗個🍧🍵抹茶雪山冰($88)，果然真係好好食，冰塊食落去，一啲都唔似冰，粒粒就冰都好甜好juicy‼️最稱心滿意，就係去完露營燒肉，都唔使執碗碟😂，下次同多幾個朋友過嚟，就可以安排晒坐更有露營氣氛嘅位置啦😉