埠 (已結業)

男朋友话今日想带我食日本嘢，本身以为佢会好hea的我去商场食大集团，点知佢竟然车咗我嚟码头！嗅到阵阵海水味，听到海浪声，以为自己去咗旅行！原来有间日式小店㗎呢度！入到嚟，装修好日式！ 唔系大间，更显得地道 一坐底友善嘅店员已放下两杯热茶我哋先叫个沙律 - 日本水菜蕃茄沙律大大个蕃茄非常新鲜Juicy! 配埋特制嘅汁，非常开胃！之后紧系食吓串烧！会比个炉仔你烧住，所以慢慢食都得，唔洗怕放得耐冻咗 睇相都知好食 全部都非常香口又唔㶶 我个人私心推荐豚肉露荀卷 非常好嘅配搭，又唔怕太油，又健康！我亦好钟意流心鹌鹑蛋！真系好少见，而且鹌鹑蛋已剥壳，好贴心~净食串烧男朋友边够饱所以我哋叫咗个釜饭！ 釜饭有蛋，香葱，同埋脆脆！口感好食又特别！非常香口，我极度推荐！多谢男朋友车我嚟，又发掘多间好嘢了