蟹仙海鮮私房．蒸氣石碢 (環海大廈)

营业中

休息中

朋友啱啱喺外國返嚟，問我有咩好食，第一時間諗起海鮮，外國所有海鮮都係冰凍，邊有喺香港咁幸福食到新鮮原汁原味嘅海鮮。今次同佢嚟咗尖沙咀分店嘅蟹仙，一早訂好位。我哋揀咗個10款海鮮嗰個餐，蟹仙嘅優勢就係服務員會一套服務幫你處理好晒啲海鮮，包括計時蒸海鮮，我哋淨係負責傾偈同埋食。每款海鮮都好鮮甜，好新鮮，食到海水嘅味道，所以根本都唔需要點豉油食，最難得就係食到原汁原味。今晚啲蟹仲要特別多膏，如果自己食到一隻會更加滿足，不過怕膽固醇高半隻都夠，最後仲有個甜品送係椰汁燕窩。