倫住蒸倫哥私房菜 (已結業)

寒流襲港凍冰冰， 啲菜一上就凍曬， 想食暖笠笠嘅嘢， 但係又有啲喉嚨痛 ，打邊爐又好似好燥， 老友就介紹食蒸海鮮。上網一睇，見呢間倫住蒸好多好評，今次就試下佢啦。原來佐敦分店開張， 太子分店5~8pm全單八折， 覺得好抵呀。見店舖枱少，等左25mins,入到去內有乾坤,上面仲有一層，全部卡位， 而且好闊落。一心以為蒸海鲜只有蒜蓉同清蒸,調味花款多蘿蘿。冇諗過食蒸海鮮，佢會送猴頭菇燉湯同蠔汁鮑魚扣花膠， 呢個湯都相當之入味，好滋補。蟲草花蒸龍躉腩係主角， 但今次畀個配角搶咗鏡， 豆腐蒸蝦膠上面係有黑松露， 好驚喜呀。薑蔥蒸生蠔， 都幾大隻、好肥美、 肉質鮮甜。象拔蚌唔使加任何調味， 加蒜蓉粉絲蒸， 已經食到舐舐脷。清蒸肉蟹， 洗得好乾淨，蟹原汁原味， 冇得輸。多樣化嘅蒸蔬菜， 總有一款啱你嘅。xo醬蒸龍蝦， 龍蝦彈牙到不得了，棒棒棒💯。鲜鱿腸粉，十足十二串足料蒸飯 食埋之後就真係好飽好飽喇…… 整體嘅感覺非常良好, 每一種海鮮都有服務員幫你蒸， 佢哋都跟到足下 ，食得好舒服，大滿足嘅一餐，大家記住嚟食飯一定要book位， 因為佢都幾full下。