MiSS‧Mixian Sour Spicy 米線專門店 (已結業)

前排等巴士返屋企嘅時候，比我身後餐廳嘅推廣食品吸引住，因為有我鍾意食嘅牛肉粒同埋牛舌，細看之下發現佢嘅火鍋同食開嘅唔同，個鍋一邊高一邊低。於是我問門口嘅職員，原來一邊係用黎打邊爐，另一邊就係鐵板燒，可能係我見識少，之前未見過咁嘅配搭所以覺得好新奇，嗰刻雖然啱啱食飽飯，但都有衝動想入去試吓。最後都係決定過幾日同朋友一齊嚟試食。幾日後果然如我所願，搵埋另一個未見過可以2用嘅火鍋朋友一齊嚟試吓。我同佢都係選左牛肉粒嗰個鍋，另外再叫多碟小食 - 蜜絲四重奏 (即係咩小食都有d) 牛肉粒果然冇令我失望，將佢煎到7成熟再加埋餐廳提供嘅鹽就啱啱好呢個小食 - 蜜絲四重奏，好在可以一次過試晒幾款小食，邊種啱自己口味，下次就可以直接叫嗰種啦不過最搞笑嘅就係當我整完烏冬嚟食嗰陣覺得淡淡地，仲同我朋友講如我有埋日式麻醬就perfect啦。點知當最後食飽離開嘅時候發現原來係有自助調味料架而且有我想要嘅日式麻醬，可惜我發現得太遲啦，唯有下次再試食啦。溫馨提示：火鍋圖中見到用紙杯裝住嘅黃色液體其實係蛋漿黎架，千祈唔好當飲品呀。