Simplylife Bakery Cafe (已結業)

今日帶埋小朋友同啲朋友去食午餐，佢哋揀咗坐得非常舒服的simplylife。餐牌好似比起其他分店嘅選擇較多，而且款款都非常吸引。我特別想推介係呢兩款食物：甜辣汁海鮮手製意大利粉，先講下個醬汁甜甜酸酸，又唔會話好辣，所以非常醒胃。而且海鮮嘅種類都好多，包括有鮮蝦、蜆和魚，全部都非常鮮甜。亞枝竹雜菌水牛芝士薄餅：餅底十分鬆脆，再配合濃濃的芝士和滿滿的雜菌，好味得叫人一口接一口。今次特別要讚就係啲職員啦，話說我朋友唔小心倒瀉左杯水果茶，結果他們都非常勤快，十分細心為我們送上紙巾和清潔，認真抵讚！