94
72
33
营业时间
今日营业
11:00 - 22:00
星期一至日
11:00 - 22:00
食家推介
难得同朋友放假，见中午未有太多人，就入去呢间坐吓，环境光猛，近窗感觉好舒服。填完申报表，门口员工带我哋入去坐，无笑容，入到去佢放低张餐牌就走咗。我同朋友坐住对面系厨房，可能你会觉得望住厨师煮嘢食几得意，不过只系幻想😭我坐唔够5分钟，已经觉得好嘈（主要系碗碟声），视觉上，基本厨师系背向住你煮嘢，而侍应就喺前面来回送餐，呢个座位设计系失望，完全享受唔到用餐，反而心里多咗一份烦扰🥲是日餐汤，正正常常蘑菇意粉个汁整得唔错，你见我食晒就知几好食😋朋友食嘅烤鸡都唔错，配菜焗得岩岩好个人一般呢个冰茶，不过朋友OK，睇个人口味。整体上装修环境唔错，不过近厨房位置就好嘈，难以享受用餐，近入口座位会比较好。食物质素好食，但餐牌好似冇咩点变过，可以增加多啲选择。侍应服务态度一般，虽然戴住口罩，但客人系仍会感受到服务。建议侍应多番笑容，态度有善啲，客人用完餐，侍应收餐嘅时候，可温柔啲将餐具放落只碟到拎走，太大力收野，其实都会影响客人嘅感受，毕竟客人仲未用餐完毕，少少建议希望会改善。
继续阅读
我同朋友无预先睇OPENRICE评价，就随意拣左入去食，结果中伏。一如之前食客既评价，依间餐厅由落单到加单到埋单既服务，保持非常恶劣水准，D客争佢地钱咁，覆单无心机、嫌麻烦。负责我地食区个三个侍应都黑面。本人当场已向其负责人投诉，但依然要系OPENRICE落评语，寄语各位食客唔好去贴钱买难受。周六晚，新都会广场基本每间餐厅都爆，依间餐厅本来都话90分钟用餐时间，结果可以见到根本无第二轮客，原因呼之欲出，服务态度不知所谓，依间嘢既客户服务有必要向谭仔三哥D姐姐学习。
继续阅读
周末早上睇完医生新都会未有太多餐厅开咗门见simplylife座位阔落又有bunch set就入去叹下由门口greeting、写表到安排入座、落单都超有效率系你睇得出员工数目唔系特别多但个个见步如飞唔会扮睇你唔到😂落单无耐即有汤+面包送上个汤好浓仲有簿簿一片芝士喺面好饮👍期间前方有人跌咗嘢特别想赞齐阴女待应反应极快一转身就拎咗扫把处理好过几秒有人要储八达通分佢又即拎机闪身到达真心欣赏本来我碟手工黑醋粉应该漏咗单但我见等咗10分钟jei…饮多几啖咖啡再追但见有个男待应笃下部机应该知咩事那位齐阴女亦主动出声问我咁我就配合下啦🤣几声唔好意思後我的主菜送达了黑醋比想像更酸鸡肉比预期更少但今早我看到你哋用心超班嘅服务我仍好满意💕希望你哋公司见到你哋嘅好真系好难得
继续阅读
周末和草子去了SIMPLYLIFE吃BRUNCH，$135 包餐汤/ 沙律 + 主菜+ 餐饮用餐时间只有75分钟今次被安排在落地大玻璃旁，虽然都是城景，但是日光照下来，总是让人心情开朗鸡肉磨菇水牛芝士薄饼一上桌，份量很大，真的是”薄”的薄饼鸡肉份量都算多，不过味道偏淡草子点了餐茶，芒果热情果茶，她说一般。啤酒脆浆炸青衣鱼柳，薯条，柑橘椰菜丝沙律炸鱼柳的粉浆很厚实，鱼肉口感一般。薯条不过不失。这主菜最好吃竟然是柑橘椰菜丝沙律，酸酸甜甜很开胃。下次来SIMPLYLIFE 还是主打甜品，他们的主菜真的一般般。
继续阅读
呢间cafe之前见每逢假期都好多人排队，终於喺上星期六试左个下午茶，原来星期六日有特别限制会限时六十分钟离坐的，当然以做生意嘅角度嚟讲都系无可厚非，讲返嘢食我就order咗个车打芝士汉堡伴香辣薯条配果茶，女友就order左墨西哥薄饼配鸡肉伴香辣薯条配鲜奶咖啡，我地觉得整体食物味道同水准就普普通通不过不失，呢度环境就够晒光猛可能墙身系落地玻璃嘅关系，价钱就唔算平但又唔算好贵，但如果要排好耐队先入倒嚟食嘅话，咁我就未必会拣呢度了。
继续阅读