炊豕店 (加路連山道) (已結業)

其實喺銅鑼灣都有不少小店值得一去，今日就發現咗呢間屬於台式餐廳的小店， 小型舒適得黎卻有一種台式地道嘅感覺 餐桌上會有點餐紙，每人寫返自己想食乜嘢。我就揀咗最出名嘅炸豬扒肉燥飯加煎蛋，佢既豬扒一啲都唔硬，趁熱食嘅話入口鬆軟， 豬扒睇落好厚，但食落唔會感覺到佢既厚度 ，只會感覺到佢嘅外脆內軟的鬆軟， 配上煎蛋同肉燥令到飯食起嚟冇咁dry, 我見到其他人有啲叫炒蛋豬扒飯，睇落炒蛋應該會畀煎蛋更加好食，推薦大家黎到可以嘗試下呢個招牌炸豬扒肉燥飯 加埋炒蛋就最好啦。 另外就係話梅豬手撈粗麵，面頭有啲好似係炸蒜蓉嘅配料，令到啲麵食落更加香口 粗麵都好彈牙，話梅豬手亦都好爽口，而且好入味，但係會比較重滷水味，唔太食到話梅嘅味道。呢度嘅菜式份量都好大碗，自己食一份嘅話都好足夠，而且用的係公雞碗同一些富有懷舊色彩的餐具，用餐時多了一份人情味。