古今二 (觀塘工業中心)

营业中

休息中

🧡Please follow my IG : orororenji☆ 古今二觀塘觀塘道436-446號官塘工業中心4期1樓B室✦ 櫻花蝦茄子燒一上枱勁香呀！櫻花蝦脆脆咁配埋茄子一齊食好好味，而且燒過特別香口，d顏色都好靚。✦ 龍卷風沙律好豐富嘅一個沙律，好大兜入面有好多野，除左有菜仲有蟹柳、蛋絲、中華沙律、蟹籽同埋一d脆片，撈埋佢個沙律汁一齊食，有少少微微辣，清新得黎又唔會話淡茂茂，真係好開胃。✦ 蜘蛛外形上未去到話好似蜘蛛，不過佢味道就好好，入面有軟殼蟹、青瓜、牛油果、蟹柳，材料同飯嘅比例岩岩好，軟殼蟹好脆食落又唔油膩，Good Good！✦ 忘不了您飯卷上面鋪左芒果，芒果上面就係沙律醬Wasabi，入面就包住炸牛肉同芝士，炸牛肉嘅脆口配芝士嘅滑溜，加上芒果嘅香甜，幾重口感，好好味！✦ 雜錦天婦羅入面有大蝦、秋葵、紫薯仔，金黃金咁見到已經流口水，大蝦彈牙，秋葵爽脆，紫薯仔好香甜，無得輸呀。呢到好近地鐵站出口，行1,2分鐘就到好方便，食物性價比高，服務都好好，當日黎都見到幾full下，證明值得一試。