影片
更多
2018-02-19
659 浏览
一直都唔知大埔舊墟富善街市附近有呢間小食鋪，老闆幾好人，有人情味，大家都要支持小店啊。第一次食就揀咗「即拉腸粉」和「蔥油餅」，老闆都話最多人食就係呢兩樣嘢食。以為得大陸先有嘅即拉腸粉，係香港搵到呢間鋪又真係好開心。即拉腸粉點咗「粟米牛肉蔥花腸粉」（$24），同預期一樣咁好食。如果唔想食肉，可以揀「齋腸蔥花腸份」（$18）或者「雞蛋蔥花腸粉」（$20），又抵又好味。另外，「蔥油餅」都好好食，基本上係街邊整蔥油餅嘅鋪頭其實都唔多，所以一樣唔可以錯過！蔥油餅可以揀單售（$12）、一餸（$15）、兩餸（$17）、或者三餸（$20），選擇包括芝士、火腿、雞蛋、肉鬆。個人覺得至少揀一餸或者兩餸，推介火腿、芝士或者雞蛋。整體來講，兩樣嘢食都係即叫即整，非繁忙時間可以三分鐘之內就即刻幫你整好，絕對推介。不過聽老闆講，繁忙時間太多單嘅話，就可能要等多一陣，因為應該都係得老闆同埋老闆娘兩個人做
第一次食就揀咗「即拉腸粉」和「蔥油餅」，老闆都話最多人食就係呢兩樣嘢食。
以為得大陸先有嘅即拉腸粉，係香港搵到呢間鋪又真係好開心。即拉腸粉點咗「粟米牛肉蔥花腸粉」（$24），同預期一樣咁好食。如果唔想食肉，可以揀「齋腸蔥花腸份」（$18）或者「雞蛋蔥花腸粉」（$20），又抵又好味。
粟米牛肉蔥花腸粉
$24
62 浏览
1 赞好
0 留言
另外，「蔥油餅」都好好食，基本上係街邊整蔥油餅嘅鋪頭其實都唔多，所以一樣唔可以錯過！蔥油餅可以揀單售（$12）、一餸（$15）、兩餸（$17）、或者三餸（$20），選擇包括芝士、火腿、雞蛋、肉鬆。個人覺得至少揀一餸或者兩餸，推介火腿、芝士或者雞蛋。
蔥油餅
$17
68 浏览
0 赞好
0 留言
整體來講，兩樣嘢食都係即叫即整，非繁忙時間可以三分鐘之內就即刻幫你整好，絕對推介。不過聽老闆講，繁忙時間太多單嘅話，就可能要等多一陣，因為應該都係得老闆同埋老闆娘兩個人做
张贴
