大雄小食 (已結業)

皺皮腸粉已經唔係得大陸有！大埔真係唔多地方有得食呢種皺皮腸粉，熱愛食腸粉嘅我屋企附近有間即叫即整嘅腸粉一定要試！大雄嘅位置喺馬路隔離，店舖面積較細，所以只可以外賣返屋企食，如果夏天等老闆即刻整嘅時候其實真係有啲熱。返到屋企就可以食熱辣辣嘅腸粉，腸粉嘅皮唔算好薄，但都幾滑，我平時就食開瘦肉雞蛋腸，腸粉入面嘅豬肉肥瘦均勻，唔會得瘦肉，不過我個人來講就唔係好鍾意食肥肉，雞蛋同豬肉均勻分佈腸粉入面，每一啖都食到肉同埋蛋嗰種滿足感！！！如果突然間想食皺皮腸粉都可以去試吓～～大雄仲有唔同嘅小食可以買

一直都唔知大埔舊墟富善街市附近有呢間小食鋪，老闆幾好人，有人情味，大家都要支持小店啊。第一次食就揀咗「即拉腸粉」和「蔥油餅」，老闆都話最多人食就係呢兩樣嘢食。以為得大陸先有嘅即拉腸粉，係香港搵到呢間鋪又真係好開心。即拉腸粉點咗「粟米牛肉蔥花腸粉」（$24），同預期一樣咁好食。如果唔想食肉，可以揀「齋腸蔥花腸份」（$18）或者「雞蛋蔥花腸粉」（$20），又抵又好味。另外，「蔥油餅」都好好食，基本上係街邊整蔥油餅嘅鋪頭其實都唔多，所以一樣唔可以錯過！蔥油餅可以揀單售（$12）、一餸（$15）、兩餸（$17）、或者三餸（$20），選擇包括芝士、火腿、雞蛋、肉鬆。個人覺得至少揀一餸或者兩餸，推介火腿、芝士或者雞蛋。整體來講，兩樣嘢食都係即叫即整，非繁忙時間可以三分鐘之內就即刻幫你整好，絕對推介。不過聽老闆講，繁忙時間太多單嘅話，就可能要等多一陣，因為應該都係得老闆同埋老闆娘兩個人做

住大埔咁耐都唔知有呢隻腸粉賣仲以為得大陸先有😂今次經朋友介紹後就來試試地點唔難揾 就喺舊墟街市隔離到達後 先見到原來係無坐位！得企位夏日炎炎行到過去身水身汗💦💦💦即刻買支飲品飲下先 唔好講野飲品係自家製我飲果樽係 蜂蜜鮮榨檸檬水嘩，好好飲唔會好甜，酸酸地仲飲到有少少果肉好消暑☺️朋友果支係 夏枯草羅漢果水亦表示甘甜 好飲不過就有夏枯草渣喺入面隔一隔會更好好，到講食當然要食招牌腸粉皇腸粉係即叫即整需時10-15分鐘左右瘦肉蔥花+雞蛋+生菜皮滑無粉味 好好食豉油亦不會過鹹下次會再去幫襯

當這小店剛剛開業不久，感覺很一般，以為做不了多久。日子久了，見它仍生存，定必有其優點。於是心裡一路都想找出原因，並試試它的潮式腸粉，但每次都已經吃飽了無緣試食。今次肚子還有空間，便叫了一客＂蔥花蛋腸粉＂。即叫即做，然後自己隨意選擇醬汁，清淡囗味，我很喜歡，味道不錯！我在門口立食，不是買走的。眼見老闆娘對一個一個街坊的窩心服務態度，即時對這間小店，再加多幾分滿意分。這次我只試了＂蔥花蛋腸粉＂，下回一定再回來試其它出品！支持大埔小店，好老闆加油！