Rempah Noodles

营业中

休息中

呢間舖頭位置於軍器廠街警察總部對面，如果搭地鐵都幾吊腳不過可以喺金鐘站去太古廣場三期之後出就會易少少搵。佢鄰近好多往中西區嘅巴士站隔離或者好近西行嘅電車站。門面都好乾淨，好新潮好靚，黑白嘅裝修加上一啲有心思擺設。鋪頭入邊座位都算多，有大約20多個人可以坐， 平日1:15pm去到等唔使5分鐘就可以入座。食物方面得三款可以選擇，一係就蝦麵一係就濕或乾喇沙。我就揀咗一碗蝦麵同埋一碗濃厚湯喇沙。上菜速度都算好快，想配嘢飲加$15就OK我叫咗杯熱嘅班蘭香茅茶都唔錯唔會好甜幾香班蘭同香茅味。湯麵係兩溝面即係油麵配米粉，留意番係可以免費添面。蝦面個湯底蝦味香濃同埋有好香嘅豬油渣味，麵都會有幾粒比你咬下。蝦肉都彈架不過呢就唔係好熱，你留意廚房嘅話呢佢啲餸都係鋪係麵面嘅啫。份量都唔算太多你可以自己加。個蝦湯飲落去唔會話好肥膩，清清地幾好。不過佢塊豬肉就比較肥。喇沙來講佢個湯底都算重椰子味，如果飲多兩啖都算濟。但係總體來講都真係算香港好好食嘅喇沙。不過都係果句略嫌佢啲餸唔夠熱。