和道屋

营业中

休息中

半放題之《和道屋》呢間位於尖沙咀加連威老道嘅半放題《和道屋》，餐廳帶你走進千與千尋世界，樓上係進餐位置，除左串燒、沙律、刺身外，其他都係任食。午市有2種價錢選擇，我地揀左貴啲set $388，呢個價錢係壽喜燒無限追加，呢個set 每日任何時段都會提供。刺身拼盤夠新鮮而且有5款，切得都幾厚身。而串燒係即叫即燒每人可以揀5款，我地2個就可以揀10款，推介土佐豆腐，豆腐炸得好鬆脆，而且配合埋木魚湯汁做底，味道濃而不鹹，加埋脆卜卜嘅豆腐好好食。刺身有11款選擇，特別推介海膽魷魚壽司，海膽夠鮮甜，撈完之後令到魷魚更加鮮味，唔似得出邊一般食嘅海膽魷魚，會用啲平價既海膽，而且師父既手握壽司有omakase feel。壽喜燒有A4和牛、北海道米豚、廣島牡蠣、野菜盤都係任食，和牛嘅脂肪紋理均勻，肉質鮮嫩，帶有濃郁嘅牛肉香氣。米豚佢哋選用咗優質北海道豬肉，肉質嫩滑多汁，冇咁多油膩感，最後當然要提下廣島牡蠣。呢度嘅牡蠣新鮮肥美，鮮甜度仲好高。