影片
更多
2020-03-03
103 浏览
午餐今日選擇食下素，清下毒素。呢間雅悠蔬食，裝修好有宮廷特色，以粉紫色做主題。午市餐牌中西日台都有，我就揀左呢個印日派嘅咖哩。加$10可以有埋前菜同湯，有中有西，我就選擇中湯。前菜係胡麻茄子伴醬燒牛蒡。湯係木瓜雪耳花生潤肺湯。食埋呢啲營養湯料，已經飽飽地喇。主菜我揀嘅係日式蘋果咖喱野菜黃耳焗飯（$78）。焗飯用嘅係珍珠靚米，上面有拉絲芝士，入面有啲好有咬口嘅雞髀菇，當然仲有蘋果同埋西蘭花呢啲健康蔬果，焗完依然好有水份。因為係日式咖喱，所以味道一啲都唔辣！飲品選擇即磨咖啡。幾濃架。甜品加左$20要海鹽焦糖榛子千層班戟，上面嘅奶油帶有海鹽味，反而榛子同焦糖就唔算突出。班戟每層都算薄身，口感煙韌，味道係幾有蛋香嘅原味，總括黎講唔算膩。另外呢度仲大送抗炎糖水，超有良心！呢碗集合雪梨海底椰南北杏燉雪耳，即刻覺得個肺嘅健康指數又提高左!
加$10可以有埋前菜同湯，有中有西，我就選擇中湯。
前菜係胡麻茄子伴醬燒牛蒡。湯係木瓜雪耳花生潤肺湯。
食埋呢啲營養湯料，已經飽飽地喇。
主菜我揀嘅係日式蘋果咖喱野菜黃耳焗飯（$78）。
焗飯用嘅係珍珠靚米，上面有拉絲芝士，入面有啲好有咬口嘅雞髀菇，當然仲有蘋果同埋西蘭花呢啲健康蔬果，焗完依然好有水份。
因為係日式咖喱，所以味道一啲都唔辣！
飲品選擇即磨咖啡。幾濃架。
甜品加左$20要海鹽焦糖榛子千層班戟，上面嘅奶油帶有海鹽味，反而榛子同焦糖就唔算突出。
班戟每層都算薄身，口感煙韌，味道係幾有蛋香嘅原味，總括黎講唔算膩。
另外呢度仲大送抗炎糖水，超有良心！呢碗集合雪梨海底椰南北杏燉雪耳，即刻覺得個肺嘅健康指數又提高左!
张贴
