牛摩 (屯門時代廣場南翼)

营业中

休息中

上星期食左間雞煲火鍋中左伏，唯有食多次火鍋補數。我地揀左最平既精選牛肉(每人一碟)再加任食火鍋配料。雖然係最平既精選牛肉，但牛肉都屬高質，幾好食。壽喜燒附送一隻鮮雞蛋，牛肉沾鮮雞蛋=好味。火鍋配料普通，正常質素，其中印有牛摩圖案既魚蛋同蟹籽丸比較好食。包住年糕個件唔知乜同芝士腸唔好食。前菜如辣味螺肉、中華沙律亦屬正常質素。醬油配料都幾充足，只要有我必食既豉油辣椒炸蒜就滿足。飲品只有自助斟，如果有罐裝包裝枝裝飲品比較好(始終比較好飲)。甜品有乳酪機，有原味，朱古力味同混合，唔錯。配料區都幾企理乾淨，唔會夾到周圍都係，地下又唔會好污糟。上：精選牛肉配豬骨濃湯($78)下：精選牛肉配壽喜燒($78)(個人口味：2.8/5)(豬骨濃湯)(個人口味：3.5/5)(壽喜燒)整體而言，一人一鍋幾有特色，各人可選擇自己喜歡既湯底，又更加衛生。相對於晚市，午市客人較少，唔會好嘈，坐得幾舒服。唯火鍋配料 (約6至8款丸類及約6至8款菜類) 、飲品同甜品款式較其他任食火鍋少。同埋對我而言牛摩湯底比較清淡唔夠惹味，要用醬料搭夠。午市60分鐘任食算扺食，但晚市就不作考慮。