御膳

营业中

休息中

同朋友慶祝生日，佢食過呢間功夫私房菜話幾正，一於試吓！職員知道我地慶祝生日，仲同我哋講有滷水鵝肝鵝腎送，唔洗生日正日都送，超正👍🏻呢度係有口碑既13年老店，主打日日新鮮到貨嘅海鮮，梗係要叫幾款試一試！ 叫左富貴金龍，用12両東星做，起肉做兩味，一個做吉列椒鹽，外脆內嫩; 另一個做流沙黃金，超級邪惡勁香口🤤魚肉超鮮甜！另外叫咗白胡椒爆炒南非鮑魚，呢個係猛火快炒，所以鮑魚唔會過熟，個胡椒仲係師傅自己磨，同普通胡椒粉唔同，香氣十足！蒜蓉粉絲蒸大元貝，呢個冇得輸，上面放咗炸蒜生蒜，元貝鮮甜、粉絲又索晒味💪🏻另外叫咗個主食，蟹油銀芽炒麵，唔好以為睇落似普通嘅炒麵，但係食落有蟹油嘅香，幾唔錯！脆皮玻璃乳鴿，侍應話呢個係功夫菜，因為要風干2日，上菜前再用油慢慢淋熟，真係要夠細心先做到👍🏻仲叫咗一個避風塘炒大肉蟹，肉蟹好大隻啖啖肉，舖滿乾蒜、辣椒！夠晒鑊氣、香氣滿載，肉蟹啖啖鮮甜，仲要有肉汁，真係超正🤤呢間餐廳真係放個心落去啲菜色度，服務又貼心！真係啱晒公司晚宴、壽宴慶祝、團體包場。而且免加一免切餅費免開瓶費👍🏻店家仲話歡迎帶任何飲品，今次仲有打卡活動送咗汽水😍📍御膳▪︎香港▪︎觀塘敬運12樓🔥《只此一家