影片
更多
2018-09-05
1342 浏览
係西環打冷無可能唔識金興啦記得以前有個朋友十年前話打冷梗係德記最出名啦，我帶佢食金興，佢話差唔多味即，都唔係好食過德記，我話個人口味啦，但價錢就一半搞掂囉(計返通漲通縮乜乜物物個啲啦唔好質疑我話依家差唔多錢呀)咁多年依然保持風味x傳統x抵食啲伙記都無轉過咁濟閒日一至四晚飯時間都唔使等既，五六日就難講喇，有時會排左一條隊係出面舖入面裝修就無乜架喇，正正常常枱枱櫈櫈，高貴一族可能會厭棄（其實依家已經企理左）落單基本上你諗到既打冷野就有，菜牌有幾張，牆上個啲都係既，佢既炒野其實都唔錯但黎得梗係潮撐打冷啦第一樣跑出既心水當然係凍魚，依度有好多款，例如烏頭、大眼雞、黃花、馬友等等，好快賣晒通常無咩得揀，今晚就食左凍大眼雞，加埋佢個普寧豆醬邊有得輸唔夠隨時問佢再拎，坐係主舖既自己拎都ok重點黎喇，就係價錢，一般食凍魚都百拎蚊而佢只需70-90，當然你會話可能第二間啲魚重啲，我食就唔覺特別細條既，自己感受下啦另一個打冷必食仲唔係滷水佢雙拼70三拼80，鵝另計，叫左生腸、紅腸、墨魚個人認為食邊間打冷都好，生腸同墨魚都係必食架喇，好正配埋滷水汁 x 潮洲辣椒醬 x 白醋 贏曬建議可以放潮洲辣椒醬係自己碗
咁多年依然保持風味x傳統x抵食啲伙記都無轉過咁濟
閒日一至四晚飯時間都唔使等既，五六日就難講喇，有時會排左一條隊係出面
舖入面裝修就無乜架喇，正正常常枱枱櫈櫈，高貴一族可能會厭棄（其實依家已經企理左）
落單基本上你諗到既打冷野就有，菜牌有幾張，牆上個啲都係既，佢既炒野其實都唔錯但黎得梗係潮撐打冷啦
第一樣跑出既心水當然係凍魚，依度有好多款，例如烏頭、大眼雞、黃花、馬友等等，好快賣晒通常無咩得揀，今晚就食左凍大眼雞，加埋佢個普寧豆醬邊有得輸唔夠隨時問佢再拎，坐係主舖既自己拎都ok重點黎喇，就係價錢，一般食凍魚都百拎蚊而佢只需70-90，當然你會話可能第二間啲魚重啲，我食就唔覺特別細條既，自己感受下啦
另一個打冷必食仲唔係滷水佢雙拼70三拼80，鵝另計，叫左生腸、紅腸、墨魚
個人認為食邊間打冷都好，生腸同墨魚都係必食架喇，好正配埋滷水汁 x 潮洲辣椒醬 x 白醋 贏曬建議可以放潮洲辣椒醬係自己碗，挾既時候點完其他醬汁再加辣
最後食既係辣酒煮田螺，本身想話試其他但見到又想食，因為煮左都一路浸住啲湯汁既關係，愈夜愈入味，上一次食時勁辣勁爽，鍾意食辣既話一定要試下點知今次唔夠新鮮，螺質唔夠爽，無咁挾啲味，下次再叫
由於辣螺未滿足我地對風味既慾望，我地恨恨咁叫左個蠔仔烙，即係蠔餅咁既，啲蠔仔勁大粒勁有蠔味，又多，挾埋蛋一齊煎香，正到一個點都係依度既不二之選之一
當然沿途啤啤啤啦(汽水都有得賣既其實)
黎到依一個moment真係要爆喇....個肚
飲左三枝酒、汽水、四個餸都係四百幾，抵，值
#可能係世界上最好既打冷
#讀hku/住西環唔識金興就___啦
张贴
