金興潮洲飯店

营业中

休息中

即興打冷，星期四晚都好多人，等咗20分鐘，兩個人叫咗4樣嘢啱啱好，不過仲有好多嘢都好吸引好想試，其一係最快售罄係九肚魚。店內外嘅店員都非常繁忙。但服務態度一直keep住優質，亦有講有笑，真係💯分，非常敬業樂業👍🏻。🥢墨魚鵝腸雙併 $80 ⭐️⭐️⭐️⭐️兩樣都好味，墨魚軟熟厚薄適中，鵝腸爽口長度剛好，最大賣點係香濃嘅鹵水汁。🥢潮州蜆仔肉 $70 ⭐️⭐️⭐️⭐️蜆仔肉都幾大粒，粒粒飽滿，咸咸地少少辣，而且乾淨無食到沙，送潮州粥食一流。🥢白灼螄蚶 $80 ⭐️⭐️⭐️⭐️⭐️以前覺得血淋淋會唔敢食，今次一試愛上咗，因為味道好似我至愛嘅赤貝，味道上更覺濃厚鮮味，而且開殼好治療。🥢蠔仔餅 (例) $90 ⭐️⭐️⭐️⭐️真正嘅潮式蠔餅係煎唔係炸，煎得香口唔油，食得出蛋多過粉，蠔仔多而且大隻，好食過德記好多。🥢麒麟啤 $35二人共消費：$355

西環之友大推，今晚有食神！ 呢度有好多外面無嘅款，有薄殼，螄蚶仲有田螺🫶🏻 第一次食中式嘅田螺真心有驚喜，肉質勁彈牙，辣辣的勁惹味🔥🔥🔥凍食嘅潮式大眼雞👀原條上原汁原味，食落少細骨而且魚肉鮮美，點豆醬或者醋都一樣咁夾鹵水鵝片嘅肉質唔係滑嫩路線🪿反而係比較 raw 味重嘅結實口感，鵝肉油脂豐富，鵝味同滷水汁同樣香腴濃郁。蠔餅煎得夠乾身，有蛋香而且蠔仔嘅份量都唔少，略嫌胡椒粉味有少少搶fo潮式三寶，鹹香花生，帶甜味唔死鹹嘅酸菜同埋爽脆菜脯，配粥配啤酒都好一絕~但講到配粥，最正嘅緊係蜆肉炒韭菜花~爽甜嘅韭菜花，蜆肉嘅鮮美加綿綿嘅粥底食得舒服暖心（不過有啲神奇係呢度嘅潮州粥比較偏廣東風煮得比較綿密少少）街坊小店食麻甩嘢性價比真心無得輸，不過緊記切勿對環境同服務有期望🤣 專注返喺個食物就算了

今次食評來到個潮州餐廳，內裏人頭湧湧，濃濃地道氣氛，真係過癮。滿枱鹵水、粥面走晒過來，我戥朋友攞條筷就開工喇。先點咗啲鹵水豬紅豬皮，款款豬紅紮實，豬皮爽滑得嚟微微帶點脆口👌，加上清新爽甜蘿蔔，咪小看，食落口真係一流。跟住來個招牌豉椒花甲，海鮮鮮味噴張而出，啖啖肉，啲豉汁香噴噴，令啲花甲就如得個「正」字形容🔥。不過，鹵水鵝啲肉就冇噉滑溜，少少結實，味道我覺得可以再淋盡少少。蠔仔餅鍋貼底酥香但啲中間啱啱好，應該疏於火候。灼八爪魚就比較標準，彈牙得黎帶甜，不過醬汁配搭得我有少少「扯」。精彩之旅到咗東風螺同椒鹽九肚魚，東風螺雖然件件細細，但係肉爽滑淨韌，個汁料甜中帶辣夠kick😋。九肚魚就炸到外脆內軟，椒鹽味，幾推介！至於蒜蓉豆苗，清新入口，賣相吸引，整碟一掃而空。最後，話你知，蜆肉撈粥真係太正喇，鮮味十足，彷彿帶你游水一樣。鹵水汁撈麵夠味，絲絲入味，係滿足饕餮之選。食完呢胃，真係滿足得滯！🍜

假日又同女朋友行街，今次主要目的係由中環行去西環，行吓舊香港建築物，而終點就係西環金興食舊打冷風味😋去到金興都已經無乜位，被安排坐在角落頭位又迫又窄的細枱，我與女朋友一心要食好多嘢，這張細枱食起來真的不方便😥我們點了很多嘢食，包括蠔餅、九肚魚、大眼雞、鵝片同埋鹵水拼盤🤩食物逐碟逐碟的到了，不可算是十分之好味，每樣食物都恰到其味😋，已算是不錯👍🏻其中鵝片在點菜時要$140覺得有點貴，上菜時見到得十餘片。。。但是一食就知道物有所值👍🏻鵝片夠嫩滑，鹵水非常入味，十分好食😋現在能夠品嘗到舊式潮州打冷已經很難能可貴，將來有機會一定會再嚟👍🏻

西環潮州打冷，價錢公道，潮州滷水入味，炒餸有鑊氣，食材新鮮，有氣氛，平民化，做街坊生意，值得推介！晚上8:00到，剛好有一張空枱。夥計服務周到。坐下便開始點菜，叫了椒鹽九肚魚、豉椒炒蟶子、炒蜆、豬紅蘿蔔，潮州打冷一定唔少得嘅鵝片同魚飯凍馬友，加上清炒豆苗同幾支啤酒。點菜後很快便上。所有食材新鮮，九肚魚外脆內嫩，馬友鮮甜，蟶子和蜆炒得剛好，豬紅入味，我便多肉唔鞋，炒菜有鑊氣，非常滋味。買單共八百多，每人200 多一啲，非常抵食，所以值得推薦，一定會再返嚟。

「喂，去打冷喇」，明明成句句子都無任何一隻字係關於食物或食嘢，不過唔知點解個個香港人已經將「打冷=去食潮州菜」Anyway，我哋今次介紹嘅係我哋由細細個食到大而且價錢非常親民又有質素嘅西環一代著名食店，金興潮洲飯店！舖頭得到街坊們多年對呂老闆嘅鼎力支持，已經擴展出幾個舖位喇🤣去骨鵝片($140)：份量足/鵝片厚/連鵝皮，呢三個因素通通齊哂！加埋佢哋嘅滷水汁，無論係鵝片或墊底嘅炸豆腐都夠哂入味，而且唔會爆鹹👍🏻 鵝片肉質柔嫩，一啲都唔嚡，連埋鵝皮一啖咬落去，鵝香十足🥹令到我哋即刻叫個「靚仔」(白飯，$10)同一枝啤酒($25) 餸飯食🤩豉椒炒蟶子($140)：份量好夠，當然唔好expect蟶子肉好大條喇，大約無名指咁上下喇🤏🏻一上枱我哋已經聞到好香嘅豉椒味🤤蟶子新鮮，無沙，食落鮮甜而且帶少少辣，越食越正。椒鹽九肚魚(例$90)：即叫即炸，上枱時我哋仲feel到陣熱力源源不絕咁係九肚魚到散發出嚟🥵炸粉上得好薄身，而且九肚魚好嫩滑，口感上形成咗外脆內軟，沾少少佢哋自家調製嘅醋，中和翻個油膩感，正！今次九肚魚嘅骨仲唔太多，無sip牙罅🤣 當然呢啲嘢係撞手神嘅😌墨魚鵝腸雙併($80)：墨魚都叫新

一打完風即刻出動搵食！諗住打完風冇咁多人所以黎博一博 我地6:15pm黎到真係唔洗排😆😆✨潮州炒薄殼 $90推薦 好正 出面好少見到呢個餸😋 啲蒜蓉+辣椒+九層塔炒左啲薄殼超級惹味🤤🤤🤤 啲薄殼係好似極細粒嘅青口咁 食落都好鮮甜👍👍 呢個餸送啤酒一流✨滷水鵝片 $140呢個都好食 啲鵝片滷得好入味😋😋👍👍✨煎蠔餅 $80蠔餅嘅邊都煎到好香脆😋😋 蠔仔數量都唔少 好香蠔味✨白灼東風螺 $80就咁食唔洗點甜辣醬都好食🤤 新鮮鮮甜嘅螺味 好爽口😋🍺藍妹 $35🍺青島 $45總括黎講性價比都好高👍👍 值得一試😋 味道❤️❤️❤️❤️❤️抵食❤️❤️❤️❤️❤️服務❤️❤️❤️💔環境❤️❤️❤️💰晚餐人均～$235(唔收+1)

非常有風味嘅餐廳。店員態度很好。。潮州風味十足。價錢亦都非常便宜。所有嘢食嘅味道都好好。如果你要想食潮州打冷呢間係一間非常唔錯嘅選擇。不過記住要早啲去，如果唔係就要排隊

上星期晚上一行六人，當中一個是日本的朋友帶他看看這個潮式打冷，所以就嚟到呢間位於西環的金興潮州打冷。在門口等了一陣伙記便執好枱給我們，我們點了蒜蓉莧菜，豉椒炒蜆，鹵水鵝片，鹵水拼盤，蠔餅同埋椒鹽九肚魚。等了十分鐘左右送賽便開始送上來，豉椒炒蜆大有少少微辣唯獨是可惜有些還有沙在內，鹵水鵝片做得非常出色加上醬汁鵝肉味香濃日本朋友有非常讚賞，蠔餅亦做得相當之好蠔蛋炒得有鑊氣，椒鹽九肚魚外層炸得脆薄，而內裡有著啫喱般的軟滑，呢個必需要點而且非常推介。下次一定會再來

在香港除了大排檔很有風味，潮州打冷也很受歡迎。金興潮洲飯店位於西環，是在晚上才會開的平民式打冷店。星期五晚客人超多！店員說如果不想等太久，星期一至四來吃會較好。✨韮菜豬紅($60/例) 這個是食過的朋友很推薦的，所以就點了個來吃吃看。吃落沒有腥味，是濃濃醬汁非常入味的豬紅。不過底下的韮菜有點老，會有渣那樣子。✨金興鹵水拼盤 ($140)有紅腸、墨魚、鵝腸、豆腐、豬耳等，每樣都有少少。份量都幾多，不會只是給很多紅腸 😂 鹵水味道剛好，不太鹹。🦆鹵水鵝 ($90/例)肉質頗細緻，不過這鵝有點肥美，鵝味都幾濃郁。✨白灼螄蚶 ($80)口感軟嫩，在香港可以吃到螄蚶的地方，印象中不多。✨豉椒炒蟶子 ($140)細細隻的蟶子吃落沒有沙，鑊氣滿滿！🐟椒鹽九肚魚 ($90/例) 聽說這個是金興的招牌菜之一，來到一定要點。外層十分酥脆，內裡的魚肉非常嫩滑，椒鹽味也很足夠。怪不得朋友要另外多點一份回家。🥬蝦醬通菜 ($40)說時蝦醬，味道感覺更像是蒜蓉炒的多點。🦪蠔仔餅 ($80/例)是蛋餅那種蠔仔餅，蠔都幾大隻。另外我們還點了粥 ($10)，因為吃濃味的話配點粥可減膩感。最後吃了三碗，夠熱這點也很不錯。

原本跟朋友打算晚上7点半才去金興潮州，但負責人說週末座位比較緊張，有可能要8点後才入座，他建議我們最好约6点便到達，吃第一輪晚餐呢。 於是乎我們提前到了。我們入去的時候，已有兩至三張细枱有人呢。跟著有位中年男侍應上前替我們落單。我們点了多餸：有鵝片，蠔仔餅，炒蜆，九肚鱼烙，東風螺，豬紅蘿蔔豬皮，潮式三寶，還有炒菜心噢。 每碟餸都鲜又熱騰騰，正。可能男士比較開胃，最後又叫了鹵水蛋和粥配潮式三寶。整頓晚餐價錢抵食，平靚正，值得再來。 不過要趁早霸位！ 哈哈。

真心第一次幫襯，朋友介紹話食咗好多年嘅地道打冷菜館，不計較環境裝潢，不在乎擺盤賣相，吃得到嘅情懷、風味、誠意，絕對係非常之出色，難怪平日晚上都咁多人等😏———————————————————————————🥢豬皮豬紅🐽💬好耐無食過呢隻潮式豬紅，滿懷念，呢度仲可以配埋豬皮蘿蔔，加埋辣椒油真係不得了😋.🥢鵝腸拼墨魚🦑💬墨魚🦑大塊量又多，連埋鵝腸都一樣爽口彈牙，一嚿接一嚿入口停不了😋.🥢炸沙𩺬魚🐟💬平時真係會叫牙帶魚、九肚魚、大眼雞，估唔到呢碟炸沙𩺬魚係咁正，恰到好處，脆漿薄薄魚肉仲係嫩滑😋.🥢滷水鵝🦆💬大大隻滷水鵝髀都已夠勁，厚得嚟唔肥，味道偏淡唔會太鹹，幾十年配方無有錯😋.🥢蜆肉韮菜花🥬💬廚部一樣有鑊氣，韮菜花一大堆上碟，配上蜆仔肉增加咬口，幾正😋.🥢秘製炒蜆💬有啲蒜蓉同醬汁，又唔係用豉椒炒，感覺都幾好味，炒蜆都係重點嘅選擇之一😋

鹵水拼盤鹵水入味、肉質多汁。豬紅都超入味，無雪腥味，口感嫩滑，內有韭菜。推薦指數店舖環境有年代感，上菜速度唔慢，服務態度正常。總體而言，唔錯喎👍不過，千企唔好order蠔餅，真係好重胡椒喂外，雞蛋同蠔的味道完全分開晒，總之唔知自己食緊乜嘢。

最近一直是西營盤系列！活在這個社區二十幾年是時候好好explore一下附近好吃的店哈哈😂這次熊熊姐妹來到了位於皇后大道西的潮州打冷舖 性價比還挺高 兩個女生share以上的食物再加啤酒吃得超飽 還打包離開笑死😜-🌟-▪️金興鹵水拼盤 ($140)有鵝腸、墨魚仔、豬頸肉、紅腸同豆腐等滷得非常入味 份量非常慷慨 好像一直吃還有剩🤣 店員特意問我們需不需要特制辣椒醬🌶️▪️蠔仔餅 （例）（$90）也是份量非常足 雖然不算非常酥脆 但裡面的蠔仔非常多 配上魚露更能帶出鮮味▪️椒鹽九肚魚（例）（$90）自從在吃煲仔飯那次後白熊吃了好多九肚魚🤣椒鹽十分惹味 跟九肚魚像牛奶一樣的質感完美配合 超讚🥹-🌟-老實說以前對一些傳統的餐廳會有刻板印象 可能覺得環境不夠漂亮或者店員一般比較兇 但這次真的覺得很驚喜因為餐廳非常乾淨還有店員超有禮貌！下次一定要帶家人再次到訪😗建議指數：🐻🐻‍❄️🐻🐻‍❄️/5

好少係香港食打冷，因為覺得一般都好貴，而且未必及得上國內食既味道，依幾年無返過大陸更加就無機會食打冷，今日跟廚師好友去上環睇鋪，問佢附近有咩好食佢就帶我嚟左依間金興潮州飯店，以前佢附近工作時成日食，身為廚師都介紹得相信都唔會差得去邊。睇完價錢牌，發覺好多食物價錢一d都唔貴，所以就即管叫多d嚟試下先凍烏頭，好大條肉夠厚，無泥味，價錢唔記得但印像係唔貴抵食的滷水鵝，又係抵食夾大份，味道夠之餘亦唔係過鹹豬紅反而不過不失，但勝在份量大，最重要又係唔貴抵食食打冷喜歡食白粥配鹹菜，但依度鹹菜偏甜身同加上不少既薑蓉，不是我印像中既潮州鹹菜味，不算喜歡蒜蓉炒蕃薯葉，平時好少見，菜味濃而且唔會韌同老，值得一試炒花甲不過不失，不太推薦