影片
更多
2018-08-16
63 浏览
其實我一直一直都有留意呢間餐廳，我成日都覺得佢好神秘，而且好好feel咁，但又怕好貴，所以唔係好捨得試。但因為適逢今日生日，所以決定去食返餐好嘅獎勵自己。🤤入到去未算好多人，已經好有feel又好有格調，已經覺得好正。然後見到餐廳嘅裝飾裝潢都好日本feel，覺得好正！睇咗一陣menu，左諗又右之下就食咗以下嘅嘢啦，逐樣介紹下啦：1. 日本蕃茄沙律：佢好細心咁剝好咗個蕃茄皮啦，然後原個咁放喺隻碗入面，個present好靚。然後個蕃茄好清甜，係真係甜，但肯肯定唔係糖水嘅甜，好食2. 廣島蠔：燒到金黃色，有少少脆身，唔乾嘅，還好還好3. 蔥蒜牛肉：啲蔥勁香，但唔會蓋過牛味，係會帶到個牛味出嚟嘅，而且都juicy4. 流心鵪鶉蛋：堅流心！仲要佢用咗少少醬油去燒，令到個蛋味唔會太單調5. 豚肉露筍卷：豚肉唔會「鞋」口，加少少七味粉調一調味，nice! 6. 月見紫蘇免治雞肉棒：佢會配一個蛋加醬油嘅汁俾你點，好特別，出面食唔到，要試要試7. 京都絹豆腐：必食推介 — 佢就咁睇冇咩特別，但係真係燒到外面脆嘅，入面係軟滑嘅！真心好好食，豆味重，口感一流，唔可以唔叫！8. 大磨菇：必食推介x2 — 佢嘅蘑
但因為適逢今日生日，所以決定去食返餐好嘅獎勵自己。🤤
入到去未算好多人，已經好有feel又好有格調，已經覺得好正。然後見到餐廳嘅裝飾裝潢都好日本feel，覺得好正！
睇咗一陣menu，左諗又右之下就食咗以下嘅嘢啦，逐樣介紹下啦：
1. 日本蕃茄沙律：佢好細心咁剝好咗個蕃茄皮啦，然後原個咁放喺隻碗入面，個present好靚。然後個蕃茄好清甜，係真係甜，但肯肯定唔係糖水嘅甜，好食
2. 廣島蠔：燒到金黃色，有少少脆身，唔乾嘅，還好還好
3. 蔥蒜牛肉：啲蔥勁香，但唔會蓋過牛味，係會帶到個牛味出嚟嘅，而且都juicy
4. 流心鵪鶉蛋：堅流心！仲要佢用咗少少醬油去燒，令到個蛋味唔會太單調
5. 豚肉露筍卷：豚肉唔會「鞋」口，加少少七味粉調一調味，nice!
6. 月見紫蘇免治雞肉棒：佢會配一個蛋加醬油嘅汁俾你點，好特別，出面食唔到，要試要試
7. 京都絹豆腐：必食推介 — 佢就咁睇冇咩特別，但係真係燒到外面脆嘅，入面係軟滑嘅！真心好好食，豆味重，口感一流，唔可以唔叫！
8. 大磨菇：必食推介x2 — 佢嘅蘑菇味好出，配埋燒烤呢個煮法真係冇得頂，令到個個菇惹味咗好多，但明明佢只係就咁燒，我食完一串都要再食🤭
9. 赤雞皮：見個個都推介，所以叫咗，真心好食。我平時唔鍾意食雞皮嘅，但呢串燒雞皮係燒到零脂肪，好脆口
10. 芝士年糕：真心流心嘅芝士，唔係大大舊粉得少少芝士架
11. 牛舌：勁勁勁勁重牛味，佢燒嘅時候已經加咗少少鹽去調味，又會燒到太乾
我覺得更貼心係，佢用熱石令到啲串燒保溫。平時我哋去食串燒都係用普通碟上，但係佢呢度會放係個熱石架上面，成件事好窩心☺️
生日飯好滿足😬😬😬下次再嚟一定要訂望到海嘅檯❤️
张贴
