蟹仙海鮮私房．蒸氣石碢 (環海大廈)

营业中

休息中

今次請朋友食生日飯，揀咗呢間蟹仙，真係超中伏，失望到爆。首先，餐廳位置極之偏僻，要行一大段斜路，又或者經過一個超暗兼污糟嘅樓梯，先可以去到，過程勁辛苦，行到上去已經熱到爆，流晒汗🙂‍↔️入到餐廳，環境殘舊，燈光昏暗，完全唔似可以好好慶祝生日嘅地方。我哋叫咗$498一人嘅尊貴海鮮餐，點知大失所望。海鮮一啲都唔新鮮，份量少得可憐，食完簡直好似冇食過嘢咁。最令人驚嚇嘅就係最後個粥。食完先知，原來啲飯一路黐喺個鍋底。而事前餐廳仲用同一個鍋嚟蒸碗碟同餐具，真係好污糟。個粥賣相核突，味道亦唔好，完全冇海鮮味，得浸鹹味，食咗幾啖就完全唔想再食。朋友雖然冇講啲咩，但我都覺得真係嬲嬲地，呢間餐廳絕對唔會再嚟，亦會叫朋友都唔好嚟試。