壽司松島 (已結業)

日本地震海嘯再加上福島核幅射事件，對於香港最大影響莫過於日本食肆。有好多人擔心幅射會影響日本食品而避之則吉，甚至話短期內唔會再食壽司刺身，我就覺得絕對唔駛怕而唔食日本野，一來日本政府會自律加強檢測，確保食物唔會受污染而影響健康，二來又有幾多間餐廳，真係會俾由日本有新鮮入貨嘅魚產呢？位於澳門逸園中心嘅壽司松島，格局跟見城，天膳或者鮨福助很相似。午市有各種唔同壽司套餐，亦有自選壽司定食，價錢定位亦跟同座其他日本食肆差唔多。雖然早已知道食材大部份都唔係日本新鮮到港，但日籍壽司師傅深厚功力，唔係地震海嘯可以摧毀的！呢份特上壽司定食包括八件壽司，一份卷物，茶碗蒸，味噌湯加甜品，索價二百二十大元相對較貴，不過賣相選材總算令我滿意，唯獨欠左Signature玉子壽司蹤影，不過唔理咁多喇，影過相後就起動。拖羅鮮甜肥美，入口充斥魚油嘅感覺甚為精彩，海老大隻又爽口，整體來講所有魚生部份有一定水準。不過壽司飯方面我就略嫌握得較大舊，更有兩舊壽司飯出現鬆散情況，而且山葵亦走左部份出黎，問題雖唔算嚴重，不過賣相就略打折扣了！呢個山葵洩漏事件，我亦覺得唔應該在呢個級數嘅日本食肆出現...就算食材唔係來自日本，在壽