利口福小食店 (已結業)

週末船河，朋友訂左這間，因為之前幫襯過。不過估唔到會咁過份!! 永不再幫襯!事原天氣唔好，早上七點利口福已經打俾我朋友問係咪confirm個order，朋友都預計船河不會取消 (因為唔係黑雨)，利口福打黎話佢好多單都hold住左， 我地都非常諒解，一口話無問題，食物照出。到我地預訂既時間9:30am，利口福打黎話要遲少少，但話10am前一定會到(因為佢知道一般都係10am開船)。到10am都未到，我地三十幾人都到齊，船都ready，我地叫朋友打去問，佢話pack好而家出，間舖頭去碼頭都唔使十分鐘。 10:30am 打去，話出左，仲要sorry都無句，仲cut線，最後10:45am先到! !做唔切就唔好應承人10am前啦，係唔夠人做野就唔好話送貨啦，叫我地自己去拎咪得囉，一架船8個鐘$7,000喎，咁俾佢"哂"左45分鐘!!! 仲要三十幾人等。 只係講事實出黎，提醒下各位船河既朋友。